ຕາມ​ຂ່າວສານ​ຊິນ​ຮວາ: ວັນ​ທີ 16 ຕຸລາ, ​ເວທີ​ປາ​ໄສ​ອຸດສາຫະກຳ​ການ​ຄ້າ​ກ່ຽວ​ກັບ​ການ​ຮ່ວມ​ມື​ດ້ານ​ເສດຖະກິດ​ຂອງ​ພາກພື້ນອາຊີ​ກາງ​ທີ່​ມີ​ຈຸດປະສົງ​ລະດົມ​ວົງ​ການ​ອຸດສາ​ຫະ​ກຳ​ການ​ຄ້າ​ປະ​ເທດ​ຕ່າງໆ​ຕັ້ງໜ້າ​ເຂົ້າຮ່ວມການ​ຮ່ວມ​ມືພາກພື້ນອາຊີ​ກາງ ຊຸກ​ຍູ້​ການ​ແລກ​ປ່ຽນ​ກັນ​ລະ​ຫວ່າງ​ລັດ​ຖະບານ​ກັບ​ວິ​ສາ​ຫະກິດ ​ໄດ້​ຈັດ​ຂຶ້ນຢູ່​ເມືອງ​ອູ​ຣຸມກີເຂດ​ຊິນ​ຈ່ຽງ ທາງ​ພາກ​ຕາ​ເວັນ​ຕົກ​ສຽງ​ໃຕ້​ຂອງ​ຈີນ.

​ເວທີ​ປາ​ໄສ​ດັ່ງກ່າວແມ່ນ​ເວທີ​ປາ​ໄສ​ອຸດສາຫະກຳ​ການ​ຄ້າ​ຂະໜາດ​ໃຫຍ່​ຄັ້ງທຳ​ອິດ​ໃຕ້​ຂອບ​ການ​ຮ່ວມ​ມື​ດ້ານ​ເສດຖະກິດຂອງພາກພື້ນ​ອາຊີ​ກາງ, ກໍ​ແມ່ນ​ກິດ​ຈະ​ກຳ​ປະ​ກອບ​ຊຸດ​ທີ່​ສຳ​ຄັນ​ຂອງ​ກອງ​ປະຊຸມ​ລັດຖະມົນຕີ​ຄັ້ງທີ 5 ຂອງການ​ຮ່ວມ​ມື​ດ້ານ​ເສດ​ຖະ​ກິດ​ພາກ​ພື້ນ​ອາ​ຊີ​ກາງ​ທີ່​ຈະ​ຈັດ​ຂຶ້ນ​ໃນ​ໄວໆ​ນີ້.

ຜູ່​ແທນ 200 ກວ່າ​ຄົນ ​ເຊັ່ນ ​ເຈົ້າໜ້າ​ທີ່​ລັດຖະບານປະ​ເທດ​ຕ່າງໆ​ໃນ​ອາຊີ ບຸກຄົນ​ວົງ​ການ​ອຸດ​ສາ​ຫະ​ກຳ​ການ​ຄ້າ​ພາຍໃນ​ແລະ​ນອກພາກພື້ນ​ອາຊີ​ກາງ ອົງການຫຼາຍ​ຝ່າຍ​ແລະ​ທະ​ນາ​ຄານ​ລົງ​ທຶນ​ຈະ​ສຳ​ມະ​ນາ​ແລກປ່ຽນ​ກັນ​ກ່ຽວ​ກັບ​ການ​ເຮັດ​ໃຫ້ການ​ຄ້າການ​ລົງ​ທຶນ​ສະ​ດວກ​ກວ່າ​ເກົ່າ​ແລະ​ການ​ກໍ່ສ້າງ​ພື້ນຖານ​ໂຄງ​ລ່າງ, ​ກອງ​ປະຊຸມເວທີ​ປາ​ໄສຈະ​ດຳ​ເນີນ 1 ມື້​ເຄິ່ງ.