|
ອາເມລິກາກ່າວວ່າສ.ປ.ປ.ເກົາຫຼີຕ້ອງປະລະແຜນການອາວຸດນີວເຄຼຍ
cri
ຕາມຂ່າວCRI, ໃນເວລາໃຫ້ສຳພາດຕໍ່ວິທະຍຸNBCຂອງອາເມລິກາໃນ ວັນທີ15ຕຸລາ,ທ່ານຈອນ ບອນຕັນ ຜູ່ຕາງໜ້າຖາວອນຂອງອາເມລິກາປະຈຳສະຫະປະຊາຊາດກ່າວວ່າ,ອາເມລິກາບໍ່ອາດຈະອະນຸຍາດໃຫ້ສ.ປ.ປ.ເກົາຫຼີສືບຕໍ່ປະຕິບັດແຜນການອາວຸດນີວເຄຼຍ.ທ່ານຍັງກ່າວເນັ້ນວ່າ,ອາເມລິກາຈະໃຊ້ມາດຕະການທຸກຢ່າງເພື່ອສະກັດກັ້ນບໍ່ໃຫ້ສ.ປ.ປ.ເກົາຫຼີໄດ້ຮັບວັດຖຸນີວເຄຼຍ,ເຕັກນິກແລະອຸປະກອນທີ່ກ່ຽວຂ້ອງ.
ນອກນີ້,ວາລະສານນີວສ ວີຄຼີ ສະບັບວັນທີ15ຕຸລາລາຍງານວ່າ,ໃນເວລາໃຫ້ສຳພາດຕໍ່ວາລະສານດັ່ງກ່າວ,ທ່ານບານກີມູນ ທີ່ຫາກໍ່ໄດ້ຮັບການແຕ່ງຕັ້ງເປັນເລຂາທິການໃຫຍ່ສະຫະປະຊາຊາດຊຸດໜ້າກ່າວວ່າ,,ທ່ານຫວັງວ່າເມື່ອໄດ້ດຳລົງຕຳແໜ່ງເລຂາທິານໃຫຍ່ສະຫະປະຊາຊາດແລ້ວ,ຈະໄດ້ຢ້ຽມຢາມສ.ປ.ປ.ເກົາຫຼີແລະພົບປະກັບຜູ່ນຳສ.ປ.ປ.ເກົາຫຼີ,ເພື່ອຊຸກຍູ້ການແກ້ໄຂບັນຫານີວເຄຼຍແຫຼມເກົາຫຼີ.ທ່ານກ່າວວ່າ,ເຖິງວ່າຝ່າຍສະຫະປະຊາຊາດຕົກລົງຈະລົງໂທດຕໍ່ສ.ປ.ປ.ເກົາຫຼີ,ແຕ່ວ່າເພື່ອບໍ່ໃຫ້ສະຖານະການແຫຼມເກົາຫຼີຊຸດຮ້າຍລົງ,ສະຫະປະຊາຊາດຍັງໄດ້ຈົ່ງຊ່ອງຫວ່າງເພື່ອແກ້ໄຂບັນຫານີວເຄຼຍແຫຼມເກົາຫຼີດ້ວຍການເຈລະຈາ.
|
|
