ຕາມ​ຂ່າວສານ​ຊິນ​ຮວາ: ​ການ​ຮຽນ​ຮູ້​​ເຕັກນິກ​ໃດ​ໜຶ່ງ​ ​ແລະ​ຮຽນ​ພາສາ​ປະ​ເທດ​ອາ​ຊຽນ​ຕື່ມ​ອີກ, ນີ້​ຈະ​​ເປັນທ່າ​ພັດທະນາ​ຂອງ​ຊາວ​ຈີນ​ທີ່​ຮຽນ​ພາສາ​ປະ​ເທດອາ​ຊຽນ.

​ເຂດ​ກວາງ​ຊີ​ຂອງຈີນ​ກັບປະ​ເທດອາຊຽນ​ມີທາງບົກ​ແລະ​ນ້ຳຕິດ​ຈອດ​ກັນ, ກາຍ​ເປັນ​ຊ່ອງ​ທາງ​ທາງ​ທະ​ເລ​ແລະ​ທາງບົກ​ທີ່​ສຳຄັນ​ແລະ​ສະ​ດວກ​ກວ່າ​ໝູ່​ທີ່​ຕິດ​ຕໍ່​ຕະຫຼາດ​ໃຫຍ່​ສອງ​ແຫ່ງ​ຂອງ​ເຂດ​ການ​ຄ້າ​ເສລີຈີນ​ອາຊຽນ​​. ຢູ່​ເຂດ​ກວາງ​ຊີ ມີຄົນ​ຍິ່ງຫຼາຍ​ຮຽນ​ພາສາ​ປະ​ເທດ​ອາ​ຊຽນ. ນາງ​ຫວງ​ຊິ້ງ​ຫຼຽນ ຮອງ​ຫົວໜ້າ​ວິທະຍາ​ໄລ​ພາສາ​ຕ່າງປະ​ເທດ​ຂອງ​ມະຫາວິ​ທະ​ຍາ​ໄລ​ຊົນ​ເຜົ່າ​ກວາງ​ຊີ​ກ່າວ​ວ່າ, ​ນັກ​ສຶກ​ສາ​ທັງຫຼາຍ​ພາກັນ​ຮຽນ​ພາສາ​ປະ​ເທດ​ອາ​ຊຽນ, ພາຍ​ຫຼັງ​ນັກ​ສຶກ​ສາ​ໃໝ່​ຂອງ​ປີ 2006 ​ເຂົ້າ​ຮຽນ​ແລ້ວ, ມີ 30 ກວ່າ​ຄົນ​ໄດ້​ປ່ຽນ​ຈາກ​ວິ​ຊາ​ອື່ນ​ມາ​ຮຽນ​ວິ​ຊາ​ພາ​ສາ​ຕ່າງ​ປະ​ເທດ.