|
|
 |
| (GMT+08:00)
2006-10-17 20:47:15
|
 |
|
ຝ່າຍຈີນຍິນດີກັບຝ່າຍຍີ່ປຸ່ນຊຸກຍູ້ການພົວພັນໄມຕີຈິດໃຫ້ຂະຫຍາຍໄປໜ້າ
cri
ຕາມຂ່າວCRI, ວັນທີ17ຕຸລາ,ຢູ່ທີ່ປັກກິ່ງ,ທ່ານຫູຈິນທາວ ປະທານປະເທດຈີນກ່າວວ່າ,ຝ່າຍຈີນຍິນດີພ້ອມກັນກັບຝ່າຍຍີ່ປຸ່ນຜັນຂະຫຍາຍຄວາມຮັບຮູ້ຄືກັນທີ່ສຳຄັນທີ່ສອງຝ່າຍຕົກລົງກັນນັ້ນໃຫ້ດີ,ຊຸກຍູ້ການພົວພັນໄມຕີຈິດຖານບ້ານໃກ້ເຮືອນຄຽງທີ່ດີຕໍ່ກັນລະຫວ່າງຈີນຍີ່ປຸ່ນໃຫ້ຂະຫຍາຍໄປໜ້າຢ່າງຍາວນານປອດໃສແລະໜັກແໜ້ນ.
ໃນເວລາພົບປະ ນາງ ໂອກິ ຊິຄາເກ ປະທານສະພາສູງຍີ່ປຸ່ນ,ທ່ານຫູຈິນທາວໄດ້ຕີລາຄາຢ່າງຕັ້ງໜ້າຕໍ່ການພົວພັນລະຫວ່າງຈີນຍີ່ປຸ່ນໃນປັດຈຸບັນທີ່ໄດ້ຮັບການປົວແປງໃຫ້ດີຂຶ້ນແລະຂະຫຍາຍຕົວ.ທ່ານກ່າວວ່າ,ພາຍຫຼັງທ່ານຊິນໂຈ ອາເບ ດຳລົງຕຳແໜ່ງນາຍົກລັດຖະມົນຕີຍີ່ປຸ່ນແລ້ວ,ສອງຝ່າຍຈີນຍີ່ປຸ່ນກໍໄດ້ກ້າວເຖິງຂັ້ນມີຄວາມເຫັນເປັນເອກະສັນກັນກ່ຽວກັບການຜ່ານຜ່າອຸປະສັກທາງການເມືອງທີ່ກະທົບເຖິງການພົວພັນລະຫວ່າງສອງປະເທດແລະຊຸກຍູ້ການພົວພັນມິດຕະພາບແລະການຮ່ວມມືລະຫວ່າງສອງປະເທດໃຫ້ຂະຫຍາຍຕົວຢ່າງປອດໄສ,ໄດ້ເປີດໜ້າໃໝ່ແຫ່ງການພົວພັນຈີນຍີ່ປຸ່ນ.
ທ່ານຫູຈິນທາວກ່າວວ່າ,ສະພາປະຊາຊົນແຫ່ງຊາດຈີນກັບສະພາສູງຍີ່ປຸ່ນສ້າງກົນໄກແລກປ່ຽນເປັນປະຈຳ,ອັນໄດ້ສ້າງເວທີສຳຄັນອັນໃໝ່ໃຫ້ແກ່ການແລກປ່ຽນລະຫວ່າງອົງການນິຕິບັນຍັດຂອງສອງປະເທດ.
ນາງໂອກິ ຊິຄາເກ ກ່າວວ່າ,ຍີ່ປຸ່ນເອົາໃຈໃສ່ໃນລະດັບສູງນຳການພົວພັນຍີ່ປຸ່ນຈີນ,ຝ່າຍຍີ່ປຸ່ນມີເຈດຈຳນົງໃຫ້ເພີ່ມທະວີການແລກປ່ຽນຕື່ມອີກໃນດ້ານການເມືອງແລະເສດຖະກິດ,ເປີດກວ້າງການຮ່ວມມືກັນ,ຊຸກຍູ້ການພົວພັນຍີ່ປຸ່ນຈີນໄປສູ່ລະດັບສູງກວ່າເກົ່າ,ສະພາສູງຍີ່ປຸ່ນພ້ອມດ້ວຍສະມາຊິກສະພາລ້ວນແຕ່ຍິນດີປະກອບສ່ວນເພື່ອເລື່ອງນີ້.
|
|
|
