|
|
 |
| (GMT+08:00)
2006-10-18 20:27:16
|
 |
|
ໄທຜ່ອນຜັນການຫ້າມໂຮມຊຸມນຸມການເມືອງໃນລະດັບໜຶ່ງ
cri
ຕາມຂ່າວສານຊິນຮວາ, ວັນທີ17ຕຸລາ,ພົນເອກສຸຣະຍຸດ ຈຸລານົນ ນາຍົກລັດຖະມົນຕີໄທປະກາດວ່າ,ໃນກອງປະຊຸມຄະນະລັດຖະບານທີ່ຈັດຂຶ້ນໃນມື້ວານນີ້,ສະມາຊິກຄະນະລັດຖະບານເຫັນວ່າ,ເພື່ອໃຫ້ມວນຊົນຟື້ນຟູຄວາມໝັ້ນໃຈຕໍ່ການເຂົ້າຮ່ວມທາງການເມືອງຂອງປະເທດ,ຄວນດັດແປງຄຳສັ່ງທີ່ຫ້າມບໍ່ໃຫ້ໂຮມຊຸມນຸມທາງດ້ານການເມືອງທີ່ມີ5ຄົນແລະ5ຄົນຂຶ້ນໄປເຊິ່ງໄດ້ປະຕິບັດມາພາຍຫຼັງເກີດເຫດການລັດຖະປະຫານມານີ້.ລັດຖະບານຕົກລົງຍົກເລີກການຈຳກັດຈຳນວນຄົນຂອງການໂຮມຊຸມນຸມການເມືອງກ່ອນ,ແຕ່ຍັງບໍ່ໃຫ້ພັກຝ່າຍການເມືອງແລະອົງການຈັດຕັ້ງສັງຄົມຕ່າງໆຈັດການໂຮມຊຸມນຸມດ້ວຍຮູບແບບໃດໆຢູ່ສະຖານທີ່ສາທາລະນະ.
ໃນກອງປະຊຸມດັ່ງກ່າວ,ຄະນະລັດຖະບານໄທຍັງໄດ້ຕົກລົງແຕ່ງຕັ້ງທ່ານປຣິດີຍາທອນ ເທວະກຸນ ຮອງນາຍົກລັດຖະມົນຕີທັງເປັນລັດຖະມົນຕີກະຊວງການເງິນເປັນຮອງນາຍົກລັດຖະມົນຕີຜູ່ທີໜຶ່ງ,ເພື່ອປະຕິບັດໜ້າທີ່ແທນນາຍົກລັດຖະມົນຕີໃນເວລາທີ່ພົນເອກສຸຣະຍຸດໄປຢ້ຽມຢາມຕ່າງປະເທດຫຼືຂໍລາພັກ.
|
|
|
