|
ຮອງເລຂາທິການໃຫຍ່ສະຫະປະຊາຊາດກ່າວວ່າ,ຈີນໄດ້ກາຍເປັນຜູ້ນຳໜ້າຂອງການຮ່ວມມືໃຕ້ໃຕ້
cri
Author: shuo
ຕາມຂ່າວສານຊິນຮວາ:ວັນທີ18ຕຸລາ,ຢູ່ທີ່ຊຽງໄຮ້,ທ່ານອານວາລູນ ຊາວດູຣີ ຮອງເລຂາທິການໃຫຍ່ສະຫະປະຊາຊາດກ່າວວ່າ,ຈີນໄດ້ກາຍເປັນຜູ້ນຳໜ້າຂອງການຮ່ວມມືໃຕ້ໃຕ້,ແລະໄດ້ເສີມຂະຫຍາຍບົດບາດທີ່ມີລັກສະນະຊີ້ຂາດໃນການຊຸກຍູ້ໃຫ້ເສດຖະກິດ ສັງຄົມຂອງປະເທດພວມພັດທະນາພັດທະນາແບບຍືນຍົງຢ່າງຮອບດ້ານ.
ທ່ານຊາວດູຣີໄດ້ໃຫ້ຄຳເວົ້າດັ່ງກ່າວໃນກອງປະຊຸມປະຈຳປີຄັ້ງທີ6ຂອງເວທີປາໄສການຫັນເປັນແບບຂໍ້ມູນຂ່າວສານຂອງຕົວເມືອງພາກພື້ນອາຊີປາຊິຟິກທີ່ໄຂຂຶ້ນໃນມື້ນີ້.ທ່ານເວົ້າວ່າ,ເສດຖະກິດສັງຄົມຂອງຈີນໄດ້ມີການພັດທະນາຢ່າງໃຫຍ່ຫຼວງໃນ10ປີທີ່ຜ່ານມາ,ໄດ້ເສີມຂະຫຍາຍບົດບາດເປັນແບບຢ່າງໃຫ້ປະເທດໃຕ້ອື່ນໆ;ນອກນີ້,ຈີນຍັງສຸມກຳລັງເຂົ້າໃນການແບ່ງປັນແລະແລກປ່ຽນບົດຮຽນການພັດທະນາອັນລ້ຳຄ່າຂອງຕົນກັບປະເທດພວມພັດທະນາອື່ນ,ເພື່ອຊຸກຍູ້ການພັດທະນາພ້ອມກັນ,ແລະຫຼຸດຄວາມຜິດໂຕນກັນລະຫວ່າງເໜືອໃຕ້ໃຫ້ໜ້ອຍລົງ.
ກອງປະຊຸມປະຈຳປີຂອງເວທີປາໄສການຫັນເປັນແບບຂໍ້ມູນຂ່າວສານຂອງຕົວເມືອງພາກພື້ນອາຊີປາຊິຟິກຄັ້ງນີ້ມີຫົວຂໍ້ວ່າ "ລົບລ້າງຮອຍແຕກດ້ານຕົວເລກ".ທ່ານຊາວດູຣີເຫັນວ່າ,ປະເທດພວມພັດທະນາຕ້ອງເອົາໃຈໃສ່ເປັນພິເສດແລະພະຍາຍາມກາຍເປັນສ່ວນໜຶ່ງຂອງສັງຄົມຂໍ້ມູນຂ່າວສານຂອງໂລກ.
|
|
