|
ອາເມລິກາຍີ່ປຸ່ນແລະສ.ເກົາຫຼີສະແດງຄວາມເອົາໃຈໃສ່ນຳສ.ປ.ປ.ເກົາຫຼີທີ່ອາດຈະທົດລອງນີວເຄຼຍອີກ
cri
ຕາມຂ່າວCRI,ວັນທີ16ຕຸລາ,ສື່ມວນຊົນອາເມລິກາໄດ້ຍົກເອົາຂ່າວທີ່ເຈົ້າໜ້າທີ່ລັດຖະບານອາເມລິກາທີ່ບໍ່ໄດ້ເຜີຍຊື່ສະໜອງໃຫ້ນັ້ນມາກ່າວວ່າ,ດາວທຽມສອດແນມຂອງອາເມລິກາໄດ້ຢັ່ງແທກເຫັນວ່າມີລົດຍົນແລະຄົນທີ່ໜ້າສົງໄສເຄື່ອນທີ່ຢູ່ມໍ່ສະຖານທີ່ທົດລອງນີວເຄຼຍຄັ້ງທຳອິດຂອງສ.ປ.ປ.ເກົາຫຼີ,ແລ້ວສົງໄສວ່າສ,ປ.ປ.ເກົາຫຼີອາດຈະດຳເນີນການທົດລອງນີວເຄຼຍໃຕ້ດິນອີກເທື່ອໜຶ່ງ.ຂ່າວນີ້ໄດ້ພາໃຫ້ຝ່າຍຕ່າງໆເຊັ່ນອາເມລິກາ,ຣັດເຊຍ ຍີ່ປຸ່ນແລະສ.ເກົາຫຼີເອົາໃຈໃສ່ນຳ.
ວັນທີ17ຕຸລາ ທ່ານຄຼິສໂຕເຟີຮີວ ຜູ່ຊ່ອຍລັດຖະມົນຕີ ກະຊວງການຕ່າງປະເທດອາເມລິກາທີ່ພວມຢ້ຽມຢາມສ.ເກົາຫຼີກ່າວວ່າ,ຖ້າສ.ປ.ປ.ເກົາຫຼີຫາກດຳເນີນການທົດລອງນີວເຄຼຍອີກ,ເຂົາຈະຕ້ອງເສຍຄ່າຕອບແທນຢ່າງໜັກໜ່ວງ.
ພາຍຫຼັງໄດ້ພົບປະກັບນາຍົກລັດຖະມົນຕີສ.ເກົາຫຼີຢູ່ເຊອຸນໃນມື້ວານນີ້ແລ້ວ,ທ່ານມິກຮາອິວ ຟຼາດໂຄຟ ນາຍົກລັດຖະມົນຕີຣັດເຊຍກ່າວວ່າສ.ປ.ປ.ເກົາຫຼີບໍ່ຄວນດຳເນີນການທົດລອງນີວເຄຼຍອີກ,ຖ້າບໍ່ດັ່ງນັ້ນຈະເຮັດໃຫ້ສະຖານະການສັບສົນກວ່າເກົ່າ.
ມື້ດຽວກັນ,ເຈົ້າໜ້າທີ່ຜູ່ໜຶ່ງຂອງລັດຖະບານສ.ເກົາຫຼີກ່າວວ່າ,ຝ່າຍສ.ເກົາຫຼີພວມວິເຄາະຂ່າວກອງທີ່ກ່ຽວຂ້ອງ,ແລະໄດ້ກຽມພ້ອມທຸກຢ່າງແລ້ວ.
ວັນທີ17ຕຸລາ,ທ່ານຊິນໂຈ ອາເບ ນາຍົກລັດຖະມົນຕີຍີ່ປຸ່ນກ່າວວ່າ,ຝ່າຍສ.ປ.ປ.ເກົາຫຼີຄວນຮັບເອົາສຽງຮຽກຮ້ອງຂອງປະຊາຄົມໂລກຢ່າງຈິງໃຈ,ປະລະແຜນການນີວເຄຼຍ.
|
|
