|
ອາເມລິກາຈະບໍ່ປະເມີນຍຸດທະສາດຕໍ່ອີຣັກຄືນໃໝ່
cri
ຕາມຂ່າວສານຊິນຮວາ, ວັນທີ18ຕຸລາ,ທ່ານຈອນສໂນໂຄສົກທຳນຽບຂາວຂອງອາເມລິກາໄດ້ກ່າວຕໍ່ສື່ມວນຊົນວ່າ,ເຖິງວ່າຫຼາຍມື້ມານີ້,ຈຳນວນທະຫານອາເມລິກາປະຈຳອີຣັກເສຍຊີວິດແລະບາດເຈັບເພີ່ມຂຶ້ນເລື້ອຍໆກໍຕາມ,ແຕ່ອາເມລິກາຈະບໍ່ປະເມີນຍຸດທະສາດຕໍ່ອີຣັກຄືນໃໝ່ຍ້ອນເລື່ອງນີ້.
ທ່ານກ່າວວ່າ,ທ່ານຈອຈ໌ບຸສ ປະທານາທິບໍດີອາເມລິກາເຂົ້າໃຈຄວາມລຳບາກໃນການຍາດເອົາໄຊຊະນະຢູ່ອີຣັກ,ແລະສະແດງຄວາມໄວ້ອາໄລຢ່າງເສົ້າສະຫຼົດໃຈຕໍ່ທະຫານອາເມລິກາທີ່ເສຍຊີວິດຢູ່ອີຣັກ.
ມື້ດຽວກັນ,ກອງທະຫານອາເມລິກາປະຈຳອີຣັກໄດ້ຖະແຫຼງວ່າ,ວັນທີ17ຕຸລາ,ມີທະຫານອາເມລິກາ9ຄົນໄດ້ເສຍຊີວິດໃນເຫດການຫຼອນໂຈມຕີຫຼາຍເທື່ອທີ່ເກີດຂຶ້ນຢູ່ໃນແດນອີຣັກ.
ຕາມສະຖິຕິ, ແຕ່ອາເມລິກາກໍ່ສົງຄາມອີຣັກໃນປີ2003ມານີ້,ທະຫານອາເມລິກາທີ່ເສຍຊີວິດຢູ່ອີຣັກສູງເຖິງ2770ກວ່າຄົນແລ້ວ.
|
|
