ຕາມ​ຂ່າວCRI:ໜັງສືພິມ​ໄມ​ອີ​ນີຈິ​ຊິ​ມບູນຍີ່ປຸ່ນ​ລາຍ​ງານ​ວ່າ,ຫວ່າງ​ມໍ່ໆ​ນີ້, ອະ​ດີດ​ແພດ​ທະ​ຫານ​ຊັ້ນສູງຜູ່ໜຶ່ງ​ຂອງກອງທັບ​ຍີ່ປຸ່ນ​ໄດ້​ຢືນຢັນ​ວ່າ, ໃນໄລຍະ​ທ້າຍ​ຂອງ​ສົງ​ຄາມ​ໂລກ​ຄັ້ງທີ​ສອງ, ຢູ່ເກາະມິນ​ດາ​ນາວ ກອງ​ທະຫານ​ຍີ່ປຸ່ນ​ເຄີຍ​ຈັບປະ​ຊາ​ຊົນ​ທ້ອງ​ຖິ່ນ​ທີ່​ຍັງ​ມີ​ຊີ​ວິດ​ຢູ່​ມາ​ທົດ​ລອງດ້ານການແພດ.

ແພດທະຫານທີ່​ອາຍຸ 84 ປີຜູ່ນີ້​ກ່າວ​ວ່າ, ການທົດລອງກັບຄົນທີ່ຍັງມີຊີວິດແມ່ນ​ເລີ່​ມດຳ​ເນີນ​ເມື່ອ​ເດືອນ​ສິງ​ຫາ​ປີ 1944, ​ແລະ​ສິ້ນ​ສຸດລົງ​ເມື່ອ​ເດືອນ​ກຸມພາ​ປີ 1945. ​ແມ່ນ​ທະ​ຫານ 30 ກວ່າ​ຄົນ​ໃນ​ໜ່ວຍ​ປິ່ນ​ປົວ​ຂອງກອງ​ປ້ອງ​ກັນ​ທີ 33 ຂອງ​ກອງ​ທະ​ຫານ​ເຮືອ​ຍີ່​ປຸ່ນ​ທີ່​ເຂົາ​​ຢູ່​ນັ້ນ​ເຮັດ​. ຄົນ​ທ້ອງ​ຖິ່ນ​ຂອງຟິລິບ​ປິນປະມານ 30 ​ເຖິງ 50 ຄົນ​ເສຍ​ຊີ​ວິດ​ຍ້ອນ​ການ​ທົດ​ລອງ​ຂອງ​ກອງ​ທະຫານ​ຍີ່ປຸ່ນ.

ແພດທະຫານຜູ່ນີ້ເຫັນ​ວ່າ, ເຂົາ​ເຮັດ​ເລື່ອງນີ້ໃນ​ຄາວ​ນັ້ນ​ແມ່ນ​ໂຫດ​ຫ້ຽມ​ເກີນໄປ, ຄົນ​ທີ່​​ເຄີຍ​ຜ່ານ​ໄລ​ຍະສົງຄາມ​ໜ້ອຍ​ລົງຄູ່​ປີ, ຕົນ​ເອງຈຶ່ງ​ມີໜ້າ​ທີ່​ຮັບຜິດຊອບ​ບອກ​ຄວາມ​ຈິງ​ຂອງ​ສົງ​ຄາມ​ໃຫ້​ຄົນ​ຮຸ້ນຫຼັງ​ຊາບ.