|
|
 |
| (GMT+08:00)
2006-10-19 18:38:20
|
 |
|
ງານວາງສະແດງຜົນການຮ່ວມມືດ້ານກະສິກຳລະຫວ່າງສອງຝັ່ງຊ່ອງແຄບແລະງານໂຄສະນາໂຄງການຈັດຂຶ້ນຢູ່ນະຄອນເຊ້ຍເມີນຂອງຈີນ
cri
ຕາມຂ່າວສານຊິນຮວາ,ງານວາງສະແດງຜົນການຮ່ວມມືດ້ານກະສິກຳລະຫວ່າງສອງຝັ່ງຊ່ອງແຄບໄຕ້ຫວັນແລະງານໂຄສະນາໂຄງການໄດ້ໄຂຂຶ້ນຢູ່ນະຄອນເຊ້ຍເມີນແຂວງຟູຈ້ຽນຂອງຈີນໃນຕອນເຊົ້າວັນທີ19ຕຸລາ.ທ່ານນາງອູອີ ກຳມະການກົມການເມືອງສູນກາງພັກກອມມູນິດ ຮອງນາຍົກລັດຖະມົນຕີຈີນ,ທ່ານລຽນຈ້ານ ປະທານກິດຕິມະສັກພັກກົກມິນຕັງຈີນໄດ້ເຂົ້າຮ່ວມພິທີໄຂງານແລະຊົມການວາງສະແດງ.
ງານວາງສະແດງເທື່ອນີ້ແມ່ນຫ້ອງການວຽກງານໄຕ້ຫວັນຂອງສູນກາງພັກກອມມູນິດຈີນແລະພາກສ່ວນທີ່ກ່ຽວຂ້ອງຂອງພັກກົກມິນຕັງຈີນຮ່ວມກັນເປັນເຈົ້າພາບຈັດຂຶ້ນ,ແມ່ນສ່ວນປະກອບອັນສຳຄັນຂອງເວທີປາໄສການຮ່ວມມືດ້ານກະສິກຳລະຫວ່າງສອງຝັ່ງຊ່ອງແຄບ,ເນື້ອໃນສຳຄັນຂອງງານວາງສະແດງເທື່ອນີ້ຈະມີການວາງສະແດງຜົນການຮ່ວມມືດ້ານກະສິກຳລະຫວ່າງສອງຝັ່ງ,ພິທີລົງນາມໃນໂຄງການຮ່ວມມືດ້ານກະສິກຳ,ການໂຄສະນາໂຄງການເພື່ອດຶງດູດນັກທຸລະກິດມາລົງທຶນເປັນຕົ້ນ.
ງານວາງສະແດງເທື່ອນີ້ໄດ້ດຶງດູດເອົາຜູ່ແທນປະມານ4000ຄົນຂອງສອງຝັ່ງຊ່ອງແຄບໄຕ້ຫວັນມາເຂົ້າຮ່ວມ,ແມ່ນງານແຫ່ງການແລກປ່ຽນແລະຮ່ວມມືກັນດ້ານກະສິກຳລະຫວ່າງສອງຝັ່ງທີ່ມີຂະຫນາດໃຫຍ່ກວ່າໝູ່ຕັ້ງແຕ່ເຄີຍຈັດມາ.
|
|
|
