|
|
 |
| (GMT+08:00)
2006-10-19 20:47:41
|
 |
|
ຈີນຈະເປີດກວ້າງການໄຂປະຕູສູ່ພາຍນອກໃນຂະແໜງການປະກັນໄພຕື່ມອີກ
cri
Author: shuo
|
ທ່ານອູຕີ້ງຟູ້ ປະທານຄະນະກຳມະການຕິດຕາມຄຸ້ມຄອງການປະກັນໄພ
ຂອງຈີນກ່າວຄຳປາໄສໃນກອງປະຊຸມ
ຕາມຂ່າວCRI:ວັນທີ19ຕຸລາ,ຢູ່ທີ່ປັກກິ່ງ,ທ່ານຮວງຈູ ຮອງນາຍົກລັດຖະມົນຕີຈີນກ່າວວ່າ,ລັດຖະບານຈີນຈະປະຕິບັດຕາມຄຳໝັ້ນສັນຍາໃນເວລາເຂົ້າຮ່ວມອົງການການຄ້າໂລກຢ່າງຈົດຈໍ່ ຄືແຕ່ເກົ່າເມືອຫຼັງ,ເປີດກວ້າງການໄຂປະຕູສູ່ພາຍນອກໃນຂະແໜງການປະກັນໄພຕື່ມອີກ.
ໃນພິທີໄຂກອງປະຊຸມປະຈຳປີຄັ້ງທີ13ຂອງສະມາຄົມຜູ້ຕິດຕາມຄຸ້ມຄອງການປະກັນໄພສາກົນທີ່ຈັດຂຶ້ນໃນວັນທີ19ຕຸລາ,ທ່ານຮວງຈູເວົ້າວ່າ,ຂະແໜງການປະກັນໄພແມ່ນຂະແໜງການທີ່ໄຂປະຕູກວ້າງກວ່າໝູ່ໃນຂົງເຂດການເງິນຂອງຈີນ,ທຶນຕ່າງປະເທດເຂົ້າສູ່ຕະຫຼາດການປະກັນໄພຂອງຈີນບໍ່ມີການຈຳກັດທ້ອງຖິ່ນແລ້ວ,ຂົງເຂດທຸລະກິດກໍເກືອບໄຂປະຕູໝົດ.ນອກນີ້,ລັດຖະບານຈີນຍັງຈະສະໜັບສະໜູນບໍລິສັດປະກັນໄພຂອງຈີນທີ່ມີເງື່ອນໄຂໄປຕັ້ງອົງການຢູ່ນອກແດນ,ດຳເນີນການແລກປ່ຽນແລະຮ່ວມມືກັບຕ່າງປະເທດໃນດ້ານການປະກັນໄພຢ່າງກວ້າງຂວາງ,ຊຸກຍູ້ໃຫ້ບໍລິສັດປະກັນໄພທຶນຈີນແລະທຶນຕ່າງປະເທດຮ່ວມມືກັນແລະໄດ້ຮັບຜົນປະໂຫຍດນຳກັນ.
ໃນກອງປະຊຸມທີ່ຈະຈັດເປັນເວລາສາມມື້,ບຸກຄົນວົງການປະກັນໄພເກືອບ700ຄົນທີ່ມາຈາກ94ປະເທດແລະເຂດແຄ້ວນຈະຄົ້ນຄວ້າຫາລືຫົວຂໍ້ທີ່ວ່າ"ຊຸກຍູ້ການພັດທະນາແລະການຄຸ້ມຄອງຄວາມສ່ຽງ--ການທ້າທາຍໃນດ້ານຕິດຕາມຄຸ້ມຄອງການປະກັນໄພ".
|
|
|
