|
ລັດຖະມົນຕີການຕ່າງປະເທດຂອງສ.ເກົາຫຼີແລະອາເມລິກາເນັ້ນໜັກໃຫ້ພະຍາຍາມແກ້ໄຂບັນຫານິວເຄຼຍແຫຼມເກົາຫຼີໂດຍສັນຕິ
cri
Author: shuo
ຕາມຂ່າວCRI:ວັນທີ19ຕຸລາ,ຢູ່ທີ່ເຊອຸນ,ທ່ານບານກີມູນ ລັດຖະມົນຕີວ່າການກະຊວງການຕ່າງປະເທດແລະການຄ້າສ.ເກົາຫຼີໄດ້ເຈລະຈາກັບນາງຄອນໂດລີຊາ ໄລສ໌ ລັດຖະມົນຕີວ່າການກະຊວງການຕ່າງປະເທດອາເມລິກາທີ່ໄປຢ້ຽມຢາມ,ສອງຝ່າຍກ່າວເນັ້ນວ່າ,ສ.ເກົາຫຼີແລະອາເມລິກາຈະແກ້ໄຂບັນຫານິວເຄຼຍແຫຼມເກົາຫຼີໂດຍສັນຕິໂດຍຜ່ານຈາກຄວາມພະຍາຍາມທາງການທູດ.
ໃນກອງປະຊຸມຂ່າວປະສົມທີ່ຈັດຂຶ້ນຫຼັງການເຈລະຈາ,ສອງຝ່າຍກ່າວວ່າ,ສ.ເກົາຫຼີແລະອາເມລິກາຈະປະຕິບັດມະຕິເລກທີ1718ຂອງສະພາຄວາມໝັ້ນຄົງສະຫະປະຊາຊາດຢ່າງຈົດຈໍ່.ສອງຝ່າຍເຕືອນໃຫ້ສປປເກົາຫຼີຈົ່ງໃຫ້ປະຕິກິລິຍາຕໍ່ຄວາມຮຽກຮ້ອງຂອງປະຊາຄົມໂລກ,ກັບຄືນສູ່ການເຈລະຈາຫົກຝ່າຍໂດຍໄວຢ່າງບໍ່ມີເງື່ອນໄຂ.
ທ່ານນາງໄລສ໌ເຕືອນໃຫ້ສປປເກົາຫຼີຢ່າໃຊ້ການເຄື່ອນໄຫວທີ່ຈະພາໃຫ້ສະຖານະການແຫຼມເກົາຫຼີຊຸດຮ້າຍລົງ,ຖ້າບໍ່ດັ່ງນັ້ນ,ຈະຖືກລົງໂທດຢ່າງເຂັ້ມງວດກວ່າເກົ່າ.
|
|
