|
ຕາມຂ່າວ CRI: ວັນທີ 19 ຕຸລາຢູ່ທີ່ວຽນ, ນາງອານນາ ເອລີຊາເບັດ ຮາເຊນບັດ ຮອງປະທານລັດຖະສະພາສະຫະພັນໂອຕຣິດສ໌ໄດ້ພົບປະກັບຄະນະຜູ່ແທນ "ສັບປະດາວັດທະນະທຳຕິເບດຈີນ 2006" ທີ່ໄປຢ້ຽມຢາມ. ນາງໄດ້ສະແດງຄວາມຊົມເຊີຍຕໍ່ທາງລົດໄຟຊິ່ງໄຫຕິເບດໄດ້ສ້າງສຳເລັດ, ແລະຫວັງໃຫ້ທາງລົດໄຟນີ້ເຮັດໃຫ້ຕິເບດກັບໂລກໄກ້ກັນກັນກວ່າເກົ່າ.
ນາງຮາເຊນບັດກ່າວວ່າ, ປີນີ້ແມ່ນໂອຕຣິດສ໌ສ້າງສາຍສຳພັນການທູດກັບຈີນຄົບຮອບ 35 ປີ, ກໍ່ແມ່ນ "ປີມິດຕະພາບກັບຈີນ" ທີ່ລັດຖະບານໂອຕຣິດສ໌ກຳນົດໄວ້. ປະຊາຊົນໂອຕຣິດສ໌ສົນໃຈນຳຕິເບດທີ່ສຸດຕະຫຼອດມາ. ທ່ານລີກ່ວາງເວິນ ຫົວໜ້າຄະນະຜູ່ແທນ "ສັບປະດາວັດທະນະທຳຕິເບດຈີນ" ກ່າວວ່າ, ລັດຖະບານຈີນໄດ້ລົງທຶນຢ່າງຫຼວງຫຼາຍໃນການສ້າງທາງລົດໄຟຊິ່ງໄຫຕິເບດ, ກ່ອນລົງມືກໍ່ສ້າງ ກໍໄດ້ສຳຫຼວດຢ່າງຮອບດ້ານກ່ຽວກັບການອະນຸລັກສິ່ງແວດລ້ອມຕາມທາງລົດໄຟ ແລະການຕິດຕາມກວດກາຫຼັງແລ່ນລົດໄດ້ສະແດງໃຫ້ເຫັນວ່າ, ທາງລົດໄຟເສັ້ນນີ້ບໍ່ມີຜົນກະທົບຕໍ່ສິ່ງແວດລ້ອມຂອງທ້ອງຖິ່ນ.
ນອກນີ້ຂ່າວແຈ້ງວ່າ, ວັນທີ 19 ຕຸລາ, ທ່ານປາຊາງ ວາງດູ ຫົວໜ້າສະຖາບັນຄົ້ນຄ້າຊົນເຜົ່າສະພາບັນດິດວິທະຍາສາດສັງຄົມເຂດປົກຄອງຕົນເອງຕິເບດຂອງຈີນທີ່ເຂົ້າຮ່ວມສັບປະດາວັດທະນະທຳໄດ້ສົນທະນາກັບນັກຕິເບດວິທະຍາໂອຕຣິດສ໌, ທ່ານປາຊາງ ວາງດູກ່າວວ່າ, ລັດຖະບານຈີນເອົາໃຈໃສ່ໃນລະດັບສູງນຳການຄົນຄວ້າແລະປັບປຸງປື້ມບູຮານພາສາສັນສະກິດ.
|
