|
ຕາມຂ່າວສານຊິນຮວາ: ວັນທີ 19 ຕຸລາ ຢູ່ທີ່ບາງກອກ, ພົນເອກສຸລະຍຸດ ຈຸລານົນ ນາຍົກລັດຖະມົນຕີແລະພົນເອກບຸນສ້າງ ນຽມປະດິດ ຜູ່ບັນຊາການສູງສຸດກອງທັບໄທຕ່າງໄດ້ພົບປະກັບພົນເອກລຽງກວ່າງເລ້ ກຳມະການຄະນະກຳມະການການທະຫານສູນກາງ ເສນາທິການໃຫຍ່ກອງທັບປົດປ່ອຍປະຊາຊົນຈີນທີ່ແວ່ຢາມໄທໃນລະຫວ່າງເດີນທາງໄປຢ້ຽມຢາມຕ່າງປະເທດ.
ທ່ານລຽງກວ່າງເລ້ກ່າວວ່າ, ການໄປມາຢ້ຽມຢາມກັນຂອງຜູ່ນຳອາວຸໂສແລະການແລກປ່ຽນກັນທາງບຸກຄະລາກອນລະຫວ່າງສອງກອງທັບຈີນໄທໄດ້ດຳເນີນຢ່າງແໜ້ນແຟ້ນ, ການຮ່ວມມືໃນຂົງເຂດຕ່າງໆບັງເກີດຜົນຢ່າງເດັ່ນຊັດ. ຈີນສະແດງຄວາມຂອບໃຈນຳຝ່າຍໄທທີ່ສະໜັບສະໜູນຈີນໃນບັນຫາໄຕ້ຫວັນແລະຕິເບດ.
ພົນເອກສຸລະຍຸດກ່າວວ່າ, ການຂະຫຍາຍການພົວພັນຮ່ວມມືຍຸດທະສາດລະຫວ່າງໄທກັບຈີນແມ່ນນະໂຍບາຍໝັ້ນໜຽວບໍ່ປ່ຽນແປງຂອງລັດຖະບານໄທ.
ພົນເອກບຸນສ້າງກ່າວວ່າ, ຍິນດີພ້ອມກັນກັບຝ່າຍຈີນຊຸກຍູ້ໃຫ້ການພົວພັນລະຫວ່າງໄທຈີນຂະຫຍາຍໄປໜ້າ.
|
