|
ອົງການຟາວກ່າວເນັ້ນວ່າ,ກະສິກຳແບບດັ້ງເດີມສຳຄັນທີ່ສຸດຕໍ່ການພັດທະນາແບບຍືນຍົງ
cri
Author: shuo
ຕາມຂ່າວສານຊິນຮວາ:ຫວ່າງມໍ່ໆນີ້,ອົງການທັນຍາຫານແລະກະສິກຳຂອງສະຫະປະຊາຊາດຫຼືອົງການຟາວຊີ້ອອກວ່າ,ເຮັດແນວໃດປົກປ້ອງແລະນຳໃຊ້ກະສິກຳແບບດັ້ງເດີມແມ່ນຫົວຂໍ້ຕົ້ນຕໍຂອງເວທີປາໄສສາກົນຂອງອົງການຟາວທີ່ຈະຈັດຂຶ້ນໃນທ້າຍເດືອນຕຸ ລາ.
ອົງການຟາວເຫັນວ່າ,ວິທີການຜະລິດກະສິກຳແບບດັ້ງເດີມຫຼາຍຢ່າງທີ່ມີຢູ່ໃນໂລກປະຈຸບັນບໍ່ພຽງແຕ່ຮັບປະກັນຄວາມປອດໄພດ້ານທັນຍາຫານຂອງປະຊາກອນຜູ້ທຸກຍາກຫຼາຍລ້ານຄົນໃນໂລກທໍ່ນັ້ນ,ແລະຍັງໄດ້ປະກອບສ່ວນຢ່າງມີລັກສະນະກົກຮາກຕໍ່ການປົກປັກຮັກສາຄວາມຫຼາກຫຼາຍດ້ານຊີວະຊາດຂອງໂລກ,ແລະອະນຸລັກສິ່ງແວດລ້ອມທີ່ມະນຸດອາໄສຢູ່.ແຕ່ຍ້ອນຖືກປັດໄຈຕ່າງໆກະທົບກະເທືອນ ເຊັ່ນອາກາດທົ່ວໂລກປ່ຽນແປງ,ປະຊາກອນຊົນນະບົດຍົກຍ້າຍແລະຂະບວນການຫັນເປັນຕົວເມືອງເລັ່ງໄວເຂົ້າເປັນຕົ້ນ,ວິທີການຜະລິດກະສິກຳເຫຼົ່ານີ້ພວມປະເຊີນກັບຄວາມອັນຕະລາຍທີ່ຈະຄ່ອຍໆຫາຍສູນໄປ.
|
|
