|
ຕາມຂ່າວCRI,ວັນທີ20ຕຸລາ,ຢູ່ທີ່ປັກກິ່ງ,ໃນເວລາພົບປະນາງຄອນໂດລີຊາ ໄຣສ໌ລັດຖະມົນຕີວ່າການກະຊວງການຕ່າງປະເທດອາເມລິກາທີ່ມາຢ້ຽມຢາມ,ທ່ານຫູຈິນທາວ ປະທານປະເທດຈີນກ່າວວ່າ,ຝ່າຍຈີນມີເຈດຈຳນົງໂດຍຕະຫຼອດໃຫ້ແຫຼມເກົາຫຼີປອດນີວເຄຼຍ,ເດັດດ່ຽວຄັດຄ້ານສ.ປ.ປ.ເກົາຫຼີທົດລອງນີວເຄຼຍ,ເຫັນດີນຳສະພາຄວາມໝັ້ນຄົງສະຫະປະຊາຊາດຜ່ານມະຕິເລກທີ1718,ພ້ອມທັງຍຶດໝັ້ນທິດທາງທີ່ຜ່ານຈາກການເຈລະຈາມາແກ້ໄຂບັນຫານີວເຄຼຍແຫຼມເກົາຫຼີໂດຍສັນຕິ.ຝ່າຍຈີນຍິນດີພ້ອມກັນກັບຝ່າຍຕ່າງໆທີ່ກ່ຽວຂ້ອງຕັ້ງໜ້າສ້າງເງື່ອນໄຂ,ພະຍາຍາມຈັດການເຈລະຈາຫົກຝ່າຍຄືນໃໝ່ໂດຍໄວ,ປົກປັກຮັກສາສັນຕິພາບແລະຄວາມໝັ້ນຄົງຂອງແຫຼມເກົາຫຼີກໍຄືຂອງອາຊີຕາເວັນອອກສຽງເໜືອ.
ນາງໄຣສ໌ກ່າວວ່າ,ຝ່າຍອາເມລິກາສຸມໃສ່ການແກ້ໄຂບັນຫານີວເຄຼຍແຫຼມເກົາຫຼີດ້ວຍວິຖີທາງການທູດ,ບໍ່ຢາກເຫັນສະຖານະການເລື່ອນຊັ້ນ.ຄອງຄອຍໃຫ້ຄວາມພະຍາຍາມທາງການທູດຈະໄດ້ຮັບໝາກຜົນ,ເຮັດໃຫ້ແຫຼມເກົາຫຼີປອດນີວເຄຼຍຢ່າງແທ້ຈິງ.
ຕອນເຊົ້າວັນທີ21ຕຸລາ,ນາງໄຣສ໌ໄດ້ສິ້ນສຸດການຢ້ຽມຢາມຈີນ,ຂີ່ຍົນພິເສດອອກຈາກປັກກິ່ງ,ໄປຢ້ຽມຢາມຣັດເຊຍ,ກ່ອນຢ້ຽມຢາມຈີນ,ນາງໄດ້ໄປຢ້ຽມຢາມຍີ່ປຸ່ນແລະສ.ເກົາຫຼີແລ້ວ.
|
