|
|
 |
| (GMT+08:00)
2006-10-23 19:10:43
|
 |
|
ລັດຖະບານຈີນຈະປະກາດໃຊ້ມາດຕະການໃໝ່ເພື່ອຊຸກຍູ້ການຮ່ວມມືດ້ານເສດຖະກິດການຄ້າກັບອາຟຼິກາ
cri
Author: cai
ຕາມຂ່າວCRI:ວັນທີ 23 ຕຸລາ,ທ່ານເວີ້ຍຈ້ຽນໂກ ລັດຖະມົນຕີຊ່ອຍວ່າການກະຊວງການຄ້າຈີນເຜີຍໃຫ້ຮູ້ວ່າ,ໃນເວທີປຶກສາຫາລືສຸດຍອດການຮ່ວມມືຈີນອາຟຼິກາທີ່ຈະຈັດຂຶ້ນຢູ່ປັກກິ່ງໃນເດືອນພະຈິກປີນີ້,ລັດຖະບານຈີນຈະປະກາດໃຊ້ມາດຕະການໃໝ່ເພື່ອຊຸກຍູ້ການຮ່ວມມືດ້ານເສດຖະກິດການຄ້າລະຫວ່າງຈີນກັບອາຟຼິກາ.
ທ່ານເວີ້ຍຈ້ຽນໂກແມ່ນເວົ້າຄວາມນີ້ໃນເວລາເຂົ້າຮ່ວມກອງປະຊຸມຜູ້ແທນສະມາຊິກສະມາຄົມການຄ້າປະຊາຊົນຈີນ-ອາຟຼິກາຢູ່ປັກກິ່ງ.
ປະຈຸບັນ,ກະຊວງການຄ້າຈີນພວມຮ່ວມກັບພາກສ່ວນທີ່ກ່ຽວຂ້ອງຕ່າງໆເລັ່ງລັດວາງນະໂຍບາຍຄ້ຳຊູແລະມາດຕະການລະອຽດທີ່ຊຸກຍູ້ການລົງທຶນຕໍ່ອາຟຼິກາ,ນະໂຍບາຍເຫຼົ່ານີ້ຈະມີຜົນປະໂຫຍດແລະເໝາະໃຊ້ກັບວິສາຫະກິດເອກະຊົນທີ່ລົງທຶນຢູ່ອາຟຼິກາ.
ສະມາຄົມການຄ້າປະຊາຊົນຈີນ-ອາຟຼິກາສ້າງຕັ້ງຂຶ້ນເມື່ອປີ 2005,ມີຈຸດປະສົງທີ່ຊຸກຍູ້ວິສາຫະກິດເອກະຊົນຂອງຈີນເຂົ້າສູ່ອາຟຼິກາດ້ວຍຮູບການ ຕົວຈິງເຊັ່ນການຊຸກຍູ້ໂຄງການເປັນຕົ້ນ,ດຳເນີນການແລກປ່ຽນແລະການຮ່ວມມືດ້ານເຕັກນິກເສດຖະກິດກັບອາຟຼິກາ.
|
|
|
