|
|
 |
| (GMT+08:00)
2006-10-24 18:48:55
|
 |
|
ວິສາຫະກິດ 27 ແຫ່ງກາຍເປັນຄູ່ຮ່ວມມືຂອງງານວາງສະແດງສິນຄ້າຈີນ-ອາຊຽນຄັ້ງທີ 3
cri
Author: cai
ຕາມຂ່າວສານຊີນຮວາ:ວັນທີ 24 ຕຸລາ,ສຳນັກງານເລຂາຂອງງານວາງສະແດງສິນຄ້າຫຼືງານເອັກສ໌ໂປຈີນ-ອາຊຽນແຈ້ງໃຫ້ຊາບວ່າ,ວິສາຫະກິດ 27 ແຫ່ງເຊັ່ນບໍລິສັດຜະລິດເຫຼົ້າໂກຈ້ຽວເຂດກວາງຊີ ບໍລິສັດການບິນເສີ່ນເຈີ້ນສາຂານານນີງ ບໍລິສັດຢູ້ນເຕີເຂດກວາງຊີເປັນຕົ້ນໄດ້ກາຍເປັນຄູ່ຮ່ວມມືຂອງງານວາງສະແດງສິນຄ້າຈີນ-ອາຊຽນຄັ້ງທີ 3.
ທ່ານຈາງສຽວຊີ່ນ ເລຂາທິການໃຫຍ່ສຳນັກງານເລຂາງານວາງສະແດງສິນຄ້າຈີນ-ອາຊຽນເວົ້າວ່າ,ວິສາຫະກິດເຫຼົ່ານີ້ລ້ວນແຕ່ແມ່ນວິສາຫະກິດສຳຄັນຂອງຂະແໜງການຕ່າງໆ,ໃນນັ້ນ,ມີວິສາຫະກິດຈຳນວນໜຶ່ງໄດ້ເປັນຄູ່ຮ່ວມມືຂອງງານວາງສະແດງແຕ່ງານວາງສະແດງຄັ້ງທຳອິດ."ຜ່ານການຮ່ວມມືກັບງານວາງສະແດງ,ວິສາຫະກິດເຫຼົ່ານີ້ໄດ້ເປີດກວ້າງທຸລະກິດຈຳໜ່າຍແລະໂອກາດໃນຕະຫຼາດ,ໄດ້ສະແດງໃຫ້ເຫັນພາບພົດວິສາຫະກິດທີ່ດີງາມ,ແລະໄດ້ຊຸກຍູ້ການເຕີບໂຕແລະການພັດທະນາຂອງວິສາຫະກິດ."
ງານວາງສະແດງສິນຄ້າຈີນ-ອາຊຽນຄັ້ງທີ 3 ຈະຈັດຂຶ້ນຢູ່ນະຄອນນານນີງ ເຂດກວາງຊີຂອງຈີນແຕ່ວັນທີ 31 ຕຸລາຫາວັນທີ 3 ພະຈິກປີນີ້,ຈະໂຮມສູນວາງສະແດງສິນຄ້າ 4 ປະເພດຄືເຄື່ອງຈັກ ເຄື່ອງເອເລັກໂຕຼນິກແລະເຄື່ອງໄຟຟ້າ ວັດສະດຸກໍ່ສ້າງແລະເຄື່ອງໃຊ້ໃນເຮືອນແລະຜະລິດຕະພັນກະສິກຳ.
|
|
|
