|
|
 |
| (GMT+08:00)
2006-10-24 18:59:00
|
 |
|
ຈີນສົ່ງດາວທຽມສຳຫຼວດສິ່ງແວດລ້ອມອະວະກາດສອງໜ່ວຍຂຶ້ນສູ່ອະວະກາດຢ່າງສຳເລັດຜົນ
cri
Author: cai
ຕາມຂ່າວສານຊີນຮວາ:ເວລາ 7 ໂມງ 34 ນາທີວັນທີ 24 ຕຸລາຕາມເວລາທ້ອງຖິ່ນ,ຢູ່ສູນຍິງສົ່ງດາວທຽມທ້າຍຢວນ,ຈີນໄດ້ສົ່ງດາວທຽມສຳຫຼວດສິ່ງແວດລ້ອມອະວະກາດສອງໜ່ວຍຂຶ້ນສູ່ອະວະກາດພ້ອມກັນຢ່າງສຳເລັດຜົນດ້ວຍລູກສອນໄຟຍານສົ່ງ"ຊາງເຈິ່ງເລກ 4 ຂ."ໜ່ວຍດຽວ.
ຂໍ້ມູນທີ່ສົ່ງມາຈາກສູນວັດແທກຄວບຄຸມດາວທຽມເມືອງສີ່ອານສະແດງໃຫ້ເຫັນວ່າ,ພາຍຫຼັງລູກສອນໄຟຍານສົ່ງ"ຊາງເຈິ່ງເລກ 4 ຂ."ໄດ້ຍິງຂຶ້ນ 10 ປາຍນາທີແລ້ວ,ດາວທຽມສຳຫຼວດສິ່ງແວດລ້ອມອະວະກາດສອງໜ່ວຍໄດ້ແຍກອອກຈາກລູກສອນໄຟຍານສົ່ງຕາມໆກັນ,ແລ້ວດາວທຽມສອງໜ່ວຍດັ່ງກ່າວໄດ້ເຂົ້າສູ່ວົງໂຄຈອນທີ່ໄດ້ກຳນົດໄວ້ນັ້ນຢ່າງສຳເລັດຜົນ.
ໜ້າທີ່ຂອງດາວທຽມສອງໜ່ວຍດັ່ງກ່າວຕົ້ນຕໍຈະດຳເນີນການສຳຫຼວດສິ່ງແວດລ້ອມອະວະກາດ ສຳຫຼວດສິ່ງແວດລ້ອມການແຜ່ລັງສີໃນອະວະກາດແລະຜົນຂອງມັນ ສຳຫຼວດຕົວຊີ້ວັດສິ່ງແວດລ້ອມຟີຊິກສາດອະວະກາດ,ພ້ອມທັງການທົດລອງໃນອະວະກາດອື່ນໆທີ່ກ່ຽວຂ້ອງ.
|
|
|
