|
|
 |
| (GMT+08:00)
2006-10-25 19:49:00
|
 |
|
ສະຫະພາບເອີລົບເຫັນວ່າ ຕ້ອງສືບຕໍ່ຂະຫຍາຍການພົວພັນຄູ່ຂາຍຸດທະສາດກັບຈີນ
cri
Author: cai
ຕາມຂ່າວສານຊີນຮວາ:ວັນທີ 24 ຕຸລາ,ຢູ່ສທຼາສ໌ເບີກແຫ່ງຝະຣັ່ງ,ຄະນະກຳມາທິການສະຫະພາບເອີລົບໄດ້ປະກາດເອກະສານນະໂຍບາຍຕໍ່ຈີນໂດຍຊີ້ອອກວ່າ,ສະຫະພາບເອີລົບຕ້ອງສືບຕໍ່ຂະຫຍາຍການພົວພັນຄູ່ຂາຍຸດທະສາດກັບຈີນ.
ເອກະສານຂຽນວ່າ,ນະໂຍບາຍຕໍ່ຈີນຂອງສະຫະພາບເອີລົບຕ້ອງຮັກສາຍຸດທະສາດທີ່"ຕິດຕໍ່ພົວພັນກັນ"ແລະ"ຂະຫຍາຍການພົວພັນໝູ່ຄູ່"ທີ່ພວມປະຕິບັດໃນປະຈຸບັນ,ແລະ"ຄຽງຄູ່ກັບການພົວພັນຄູ່ຂາຍຸດທະສາດໄດ້ແໜ້ນແຟ້ນເຂົ້າກວ່າເກົ່າ,ໜ້າທີ່ຮັບຜິດຊອບຂອງກັນກໍ່ຈະເພີ່ມຂຶ້ນ".
ເອກະສານສະບັບນີ້ຍັງໄດ້ສະເໜີນະໂຍບາຍແລະມາດຕະການຕ່າງໆຂອງສະຫະພາບເອີລົບໃນການຂະຫຍາຍການພົວພັນກັບຈີນໃນອະນາຄົດ,ສະແດງວ່າຈະສືບຕໍ່ສະໜັບສະໜູນການປະຕິຮູບດ້ານການເມືອງແລະເສດຖະກິດຂອງຈີນ,ສະໜັບສະໜູນການໄຂປະຕູສູ່ພາຍນອກ ຄວາມໝັ້ນຄົງ ສິດທິມະນຸດແລະການສ້າງສາການປົກຄອງຕາມກົດໝາຍຂອງຈີນ,ສະໜັບສະໜູນຍຸດທະສາດການພັດທະນາແບບຍືນຍົງຂອງຈີນ,ຮ່ວມກັບຈີນຮັບມືກັບບັນຫາດິນຟ້າອາກາດ ສິ່ງແວດລ້ອມແລະການພັດທະນາບໍ່ສະໝ່ຳສະເໝີກັນເປັນຕົ້ນ,ແລະຮ່ວມມືກັບຈີນໃນດ້ານວິທະຍາສາດ ວັດທະນະທຳເປັນຕົ້ນແລະວຽກງານສາກົນ.
ພ້ອມກັນກັບເອກະສານສະບັບດັ່ງກ່າວ,ສະຫະພາບເອີລົບຍັງໄດ້ປະກາດເອກະສານຍຸດທະສາດການຄ້າຕໍ່ຈີນ.ເອກະສານສະບັບນີ້ຊີ້ອອກວ່າ,ບໍ່ວ່າແມ່ນຈີນຫຼືສະຫະພາບເອີລົບ,ລ້ວນແຕ່ໄດ້ຮັບຜົນປະໂຫຍດຈາກການໂປໂລຂຶ້ນຂອງເສດຖະກິດຈີນ.
ພ້ອມກັນນັ້ນ,ເອກະສານສະບັບນີ້ຍັງໄດ້ສະເໜີນະໂຍບາຍຕົ້ນຕໍທີ່ສະຫະພາບເອີລົບຈະໃຊ້ໃນການແກ້ໄຂບັນຫາການຄ້າແລະການລົງທຶນຕໍ່ຈີນ.
|
|
|
