|
ຝ່າຍຈີນເຫັນວ່າ ຝ່າຍອາເມລິກາຄວນເຄົາລົບແລະປະຕິບັດຕາມຄຳໝັ້ນສັນຍາທີ່ຄັດຄ້ານໄຕ້ຫວັນເປັນເອກະລາດ
cri
Author: cai
ຕາມຂ່າວCRI:ວັນທີ 26 ຕຸລາ,ຢູ່ປັກກິ່ງ,ທ່ານລີວຈ້ຽນຊ່າວ ໂຄສົກກະຊວງການຕ່າງປະເທດຈີນເວົ້າວ່າ,ຝ່າຍອາເມລິກາຄວນເຄົາລົບແລະປະຕິບັດຕາມຄຳໝັ້ນສັນຍາຂອງຕົນ,ຄັດຄ້ານຢ່າງແຈ່ມແຈ້ງແລະເດັດດ່ຽວສະກັດກັ້ນ"ໄຕ້ຫວັນເປັນເອກະລາດ".
ຫວ່າງມໍ່ໆນີ້,ນາງໄຣສ໌ ລັດຖະມົນຕີວ່າການກະຊວງການຕ່າງປະເທດອາເມລິກາກ່າວວ່າ,ອາເມລິກາສະໜັບສະໜູນນະໂຍບາຍຈີນດຽວ,ແຕ່ກໍ່ຈະປະຕິບັດພັນທະທີ່ກ່ຽວຂ້ອງໃນ"ກົດໝາຍວ່າດ້ວຍການພົວພັນກັບໄຕ້ຫວັນ",ຊ່ອຍໄຕ້ຫວັນປ້ອງກັນຕົນເອງ.
ທ່ານລີວຈ້ຽນຊ່າວວິຈານຕໍ່ເລື່ອງນີ້ວ່າ,ໄຕ້ຫວັນແມ່ນພາກສ່ວນໜຶ່ງທີ່ຕັດແຍກອອກຈາກກັນບໍ່ໄດ້ຂອງຜືນແຜ່ນດິນຈີນ.ຝ່າຍຈີນຍຶດໝັ້ນທິດທາງພື້ນຖານຄື"ໂຮມເຂົ້າເປັນເອກະພາບກັນໂດຍສັນຕິ ປະເທດດຽວສອງລະບອບ"ຢ່າງສະເໝີຕົ້ນສະເໝີປາຍ,ແຕ່ເດັດຂາດບໍ່ອະນຸຍາດໃຫ້ຜູ້ໃດແບ່ງແຍກໄຕ້ຫວັນອອກຈາກຈີນດ້ວຍຮູບການໃດໆ,ແລະເດັດຂາດບໍ່ອະນຸຍາດໃຫ້ປະເທດໃດແຊກແຊງວຽກງານພາຍໃນຂອງຈີນ.
|
|
