|
|
 |
| (GMT+08:00)
2006-10-28 18:05:25
|
 |
|
ຈີນຈະເຮັດຄືແກ່ເກົ່າເມືອຫລັງສະຫນັບສະ ຫນູນແລະປະສານສົມທົບກັບວຽກງານຂອງເລຂາທິການໃຫຍ່ສະຫະປະຊາຊາດ
cri
Author: sayvanny
ຕາມຂ່າວ CRI: ວັນທີ 27 ຕຸລາ,ຢູ່ປັກກິ່ງ,ໃນເວລາພົບປະກັບທ່ານບານກີມູນ ລັດຖະມົນຕີວ່າການກະຊວງການຕ່າງປະເທດສາທາລະນະລັດເກົາຫລີ ຜູ່ທີ່ຈະຮັບຕຳແຫນ່ງເລຂາທິການໃຫຍ່ສະຫະປະຊາຊາດ,ທ່ານຫູຈີນທາວ ປະທານປະເທດຈີນເວົ້າວ່າ, ຈີນຈະປົກປັກຮັກສາອິດທິພົນແລະບົດບາດຂອງສະຫະປະຊາຊາດ,ເຮັດຄືແຕ່ເກົ່າເມືອຫລັງສະຫນັບສະຫນູນແລະປະສານສົມທົບກັບວຽກງານຂອງເລຂາທິການໃຫຍ່ສະຫະປະຊາຊາດ,ປະກອບສ່ວນຂອງຕົນເຂົ້າໃນການຊຸກຍູ້ໃຫ້ໂລກມີສັນຕິພາບແລະການພັດທະນາ.
ທ່ານຫູຈີນທາວເວົ້າວ່າ,ຄຽງຄູ່ກັບສິ່ງທ້າທາຍແລະການຂົ່ມຂູ່ໃນທົ່ວໂລກໄດ້ເພີ່ມຂຶ້ນຢ່າງບໍ່ຢຸດຢັ້ງ, ປະເທດຕ່າງໆລ້ວນແຕ່ໄດ້ຝາກຄວາມຫວັງຢ່າງຫລວງຫລາຍໄວ້ນຳສະຫະປະຊາຊາດ,ມີເຈດຈຳນົງໃຫ້ປະຕິບັດລັດທິຫລາຍຝ່າຍ, ເພີ່ມທະວີບົດບາດຂອງສະຫະປະຊາຊາດ,ທັງນີ້ໄດ້ກາຍເປັນຄວາມຮັບຮູ້ໂດຍທົ່ວໄປຂອງປະຊາຄົມໂລກແລ້ວ.ທ່ານເວົ້າວ່າ,ຈີນໃນຖານະເປັນປະເທດສະມາຊິກຖາວອນຂອງສະພາຄວາມຫມັ້ນຄົງສະຫະປະຊາຊາດແລະປະເທດພວມພັດທະນາທີ່ໃຫຍ່ກວ່າຫມູ່,ຈະສືບຕໍ່ເຂົ້າຮ່ວມກິດຈະ ກຳຂອງສະຫະປະຊາຊາດໃນທຸກໆຂົງເຂດຄືຄວາມປອດໄພ ການພັດທະນາແລະສິດທິມະນຸດດ້ວຍທ່າທີຮັບຜິດຊອບແລະມີລັກສະນະສ້າງສັນ,ປົກປັກຮັກສາວັດຖຸປະສົງແລະຫລັກການຂອງກົດບັດສະຫະປະຊາຊາດ.
ທ່ານບານກີມູນເວົ້າວ່າ, ຈີນມີຜົນສະທ້ອນອັນຕັ້ງຫນ້າທີ່ໃຫຍ່ຫລວງໃນວຽກງານສາກົນ, ທ່ານຍິນດີປະສານງານແລະຮ່ວມມືກັບຈີນຢ່າງແຫນ້ນແຟ້ນ.
|
|
|
