|
|
 |
| (GMT+08:00)
2006-10-28 18:48:10
|
 |
|
ການຢ້ຽມຢາມຈີນຂອງປະທານາທິບໍດີອິນໂດເນເຊຍຈະຊຸກຍູ້ການພົວພັນຄູ່ຮ່ວມມືຍຸດທະສາດລະຫວ່າງສອງປະເທດ
cri
Author: cai
ຕາມຂ່າວສານຊີນຮວາ:ທ່ານຊູຊີໂລ ບຳບາງ ຢູດໂຮໂຢໂນ ປະທານາທິບໍດີອິນໂດເນເຊຍເວົ້າວ່າ,ການຢ້ຽມຢາມຈີນຂອງທ່ານທີ່ຈະດຳເນີນໃນໄວໆນີ້ມີຈຸດປະສົງທີ່ຊຸກຍູ້ການຂະຫຍາຍການພົວພັນຄູ່ຮ່ວມມືຍຸດທະສາດລະຫວ່າງອິນໂດເນເຊຍກັບຈີນຕື່ມອີກ,ພ້ອມກັນນັ້ນ,ກໍ່ຢາກສະແຫວງຫາໂອກາດການຮ່ວມມືການຄ້າທີ່ຈະນຳເອົາຜົນປະໂຫຍດດ້ານເສດຖະກິດອັນມະຫາສານມາໃຫ້ອິນໂດເນເຊຍຈາກການພັດທະນາຢ່າງວ່ອງໄວຂອງຈີນ.
ຕາມຂ່າວແຈ້ງວ່າ,ທ່ານປະທານາທິບໍດີຊູຊີໂລແມ່ນເວົ້າຄວາມນີ້ຕໍ່ນັກຂ່າວທີ່ໄປນຳທ່ານໃນຍົນພິເສດໃນເວລາເດີນທາງໄປຢ້ຽມຢາມຈີນໃນວັນທີ 27 ຕຸລາ.
ໃນເດືອນເມສາປີ 2005,ທ່ານຫູຈີນທ່າວ ປະທານປະເທດຈີນໄດ້ໄປຢ້ຽມຢາມອິນໂດເນເຊຍແລະພ້ອມກັບທ່ານປະທານາທິບໍດີຊູຊີໂລລົງນາມໃນຖະແຫຼງການຮ່ວມກ່ຽວກັບຈີນອິນໂດເນເຊຍສ້າງການພົວພັນຄູ່ຮ່ວມມືຍຸດທະສາດ,ຈາກນັ້ນ,ການພົວພັນລະຫວ່າງສອງປະເທດໄດ້ກ້າວເຂົ້າສູ່ໄລຍະໃໝ່ແຫ່ງການຂະຫຍາຍຕົວຢ່າງຮອບດ້ານ.
ຕາມວາລະການຢ້ຽມຢາມ,ໃນໄລຍະຢ້ຽມຢາມຈີນເທື່ອນີ້,ທ່ານຊູຊີໂລນອກຈາກຈະໄປເຂົ້າຮ່ວມກອງປະຊຸມສຸດຍອດເພື່ອລະລຶກຈີນ-ອາຊຽນສ້າງການພົວພັນເປັນປະເທດຄູ່ເຈລະຈາຄົບຮອບ 15 ປີຢູ່ນະຄອນນານນີງແລ້ວ,ຍັງຈະຫາລືກັບຝ່າຍຈີນກ່ຽວກັບການຮ່ວມມືຕື່ມອີກໃນຂົງເຂດການກໍ່ສ້າງພື້ນຖານໂຄງລ່າງດ້ານໄຟຟ້າແລະການຜະລິດນ້ຳມັນເຊື້ອໄຟຊີວະຊາດເປັນຕົ້ນ.
|
|
|
