ຕາມ​ຂ່າວ CRI: ວັນ​ທີ 28 ຕຸລາ ຢູ່​ທີ່​ຄານ​ກາ ​ເທດສະບານ​ລັດ​ເປີ​ລິ​ສຂອງ​ມາ​ເລ​ເຊຍ, ທ່ານ​ອັບ​ດຸນ​ລາ ອາຮ໌ມັດ ບາ​ດາ​ວີ ນາຍົກລັດຖະມົນຕີ​ມາ​ເລ​ເຊຍ​ໄດ້​ຮຽກຮ້ອງ​ໃຫ້​ປະ​ຊາ​ຊົນ​ເຊື້ອ​ຊາດ​ຕ່າງໆ​ຂອງ​ມາ​ເລ​ເຊຍຈົ່ງ​ພະຍາຍາມ​ເຮັດ​ວຽກ, ຢູ່​ຮ່ວມ​ກັນ​ຢ່າງ​ກົມກຽວ​ກັນ, ພ້ອມ​ກັນ​ບັນລຸ​ການ​ພັດ​ທະ​ນາ​ຂອງ​ປະ​ເທດ​ຊາດ.

​ໃນ​ງານ​ສະຫຼອງບຸນ​ອັດ​ຮາທີ່​ຈັດ​ຂຶ້ນ​ໃນ​ມື້​ດຽວ​ກັນ, ທ່ານ​ບາ​ດາ​ວີ​ກ່າວ​ວ່າ, ປະ​ຊາ​ຊົນ​ເຊື້ອ​ຊາດ​ຕ່າງໆ​ຢູ່​ຮ່ວມ​ກັນ​ຢ່າງ​ກົມກຽວ​ກັນ​ສາມາດ​ສະ​ແດງ​ເຖິງ​ສະ​ເໜອັນ​ພິ​ເສດ​ຂອງ​ຊາດ, ສາມາດ​ດຶງ​ດູດ​ເອົາ​ນັກທຸລະກິດ​ຕ່າງປະ​ເທດ​ຫຼາຍກວ່າ​ເກົ່າ​ມາມາ​ເລ​ເຊຍ.ທ່ານ​ກ່າວ​ວ່າ, ປະ​ຊາ​ຊົນ​ເຊື້ອ​ຊາດ​ຕ່າງໆ​ຕ້ອງ​ໂອບອ້ອມ​ອາລີ​ແກ່​ກັນ​ໃນ​ບັນຫາ​ອ່ອນ​ໄຫວ ​ເຊັ່ນ ບັນ​ຫາ​ສາ​ສະ​ໜາ​​ເປັນ​ຕົ້ນ.