|
ຕາມຂ່າວສານຊິນຮວາ: ເມື່ອໄດ້ພະຍາຍາມມາເປັນເວລາ 3 ປີ, ຊາວລ້ຽວສັດເກືອບ 3 ໝື່ນຄົນໃນເຂດແຫຼ່ງແມ່ນ້ຳສາມສາຍຂອງຈີນໄດ້ຍ້າຍອອກຈາກເຂດພູດອຍທີ່ເພິ່ງພາອາໄສມາທຸກເຊັ່ນຄົນ ແລ້ວເຂົ້າໄປຢູ່ໃນຕົວເມືອງ.
ເຂດແຫຼ່ງແມ່ນ້ຳສາມສາຍຕັ້ງຢູ່ພາກໃຕ້ແຂວງຊິ່ງໄຫ, ແຫຼ່ງຂອງແມ່ນ້ຳຢາງເຊ ແມ່ນ້ຳທີ່ສຳຄັນກວ່າໝູ່ຂອງຈີນ ແມ່ນ້ຳເຫຼືອງແລະແມ່ນ້ຳລ້ານຊ້າງ ເຊິ່ງແມ່ນແມ່ນ້ຳໄຫຼຜ່ານຫຼາຍປະເທດລ້ວນແຕ່ຢູ່ເຂດດັ່ງກ່າວ, ແມ່ນເຂດຮັກສາຊັບພະຍາກອນນ້ຳແລະເຂດສັບພະຄຸນຊີວະພາບທີ່ສຳຄັນກວ່າໝູ່ຂອງຈີນ. ໃນເກືອບ 30 ປີມານີ້, ຍ້ອນຖືກຜົນສະທ້ອນຈາກດິນຟ້າອາກາດທົ່ວໂລກອຸ່ນຂຶ້ນການເຄື່ອນໄຫວເລື້ອຍໆຂອງມະນຸດແລະປັດໄຈອື່ນໆ, ສິ່ງແວດລ້ອມຊີວະພາບໃນເຂດດັ່ງກ່າວນັບມື້ນັບຊຸດໂຊມລົງ.
ນັບແຕ່ປີ 2003 ເປັນຕົ້ນມາ, ລັດຖະບານຈີນເລີ່ມລົງມືປັບປຸງສິ່ງແວດລ້ອມຊີວະພາບຂອງເຂດດັ່ງກ່າວ, ໃນນັ້ນ ການຍ້າຍປະຊາຊົນອອກຈາກເຂດດັ່ງກ່າວແມ່ນເນື້ອໃນສຳຄັນລາຍໜຶ່ງຂອງໂຄງການປັບປຸງຊີວະພາບ. ນອກນີ້, ການຍ້າຍປະຊາຊົນອອກຈາກເຂດດັ່ງກ່າວກໍ່ແມ່ນຊ່ອງທາງສຳຄັນຂອງການແກ້ໄຂບັນຫາຄວາມທຸກຍາກຂອງເຂດດັ່ງກ່າວ. ໃຕ້ການຊີ້ນຳແລະຊ່ອຍເຫຼືອຂອງລັດຖະບານ, ຄອບຄົວສ່ວນຫຼາຍທີ່ສຸດໄດ້ມີລາຍໄດ້ເພີ່ມຂຶ້ນ.
|
