|
|
 |
| (GMT+08:00)
2006-10-30 21:19:27
|
 |
|
ກອງປະຊຸມສຸດຍອດລະລຶກຈີນ-ອາຊຽນໄດ້ຮັບໝາກຜົນອັນສຳຄັນ
cri
Author: shuo
|
ຕາມຂ່າວCRI:ກອງປະຊຸມສຸດຍອດລະລຶກຈີນການສ້າງເປັນປະເທດຄູ່ເຈລະຈາຈີນອາຊຽບຄົບຮອບ15ປິໄດ້ຈັດຂຶ້ນຢູ່ເມືອງນານນີງຂອງຈີນແລະໄດ້ສິ້ນສຸດລົງໃນຕອນບ່າຍວັນທີ30ຕຸລາ.ຜູ້ນຳຂອງຈີນແລະປະເທດສະມາຊິກຕ່າງໆຂອງອາຊຽນ ທີ່ຮ່ວມປະຊຸມໄດ້ພ້ອມກັນພົບປະກັບນັກຂ່າວຂອງຈີນແລະຕ່າງປະເທດ.ຜູ້ນຳຂອງສອງຝ່າຍເປັນເອກະສັນກັນເຫັນວ່າ,ກອງປະຊຸມສຸດຍອດເທື່ອນີ້ໄດ້ຮັບໝາກຜົນອັນສຳຄັນ.
ໃນເວລາພົບປະກັບນັກຂ່າວ,ທ່ານເວີ່ນເຈ່ຍປາວ ນາຍົກລັດຖະມົນຕີຈີນແລະນາງໂກຼເລຍ ມາກາປາການ ອາໂຣໂຢ ປະທານາທິບໍດີຟິລິບປິນ ປະເທດປະທານຕາມຮອບໝູນວຽນຂອງອາຊຽນກ່າວວ່າ,ກອງປະຊຸມສຸດຍອດເທື່ອນີ້ແມ່ນງານໃຫຍ່ໂຕມະໂຫລານຄັ້ງໜຶ່ງທີ່ສືບອັນກ່ອນຕໍ່ອັນລຸນແລະມີຄວາມໝາຍຄັ້ງປະຫວັດສາດ,ແລະຈະເຮັດໃຫ້ການພົວພັນຈີນກັບອາຊຽນກ້າວເຂົ້າສູ່ໄລຍະຂະຫຍາຍຕົວທີ່ເຂັ້ມແຂງກວ່າເກົ່າ ເລິກເຊິ່ງກວ່າເກົ່າແລະມີພະລັງຊີວິດຫຼາຍກວ່າເກົ່າ.
ໃນກອງປະຊຸມເທື່ອນີ້,ຜູ້ນຳຂອງຈີນແລະປະເທດສະມາຊິກຂອງອາຊຽນຍັງໄດ້ປຶກສາຫາລືບັນຫາພາກພື້ນແລະສາກົນທີ່ສົນໃຈນຳກັນ,ແລະໄດ້ກ້າວເຖິງຂັ້ນມີຄວາມເຫັນເປັນເອກະສັນກັນກ່ຽວກັບບັນຫາຕ່າງໆ ຄື ການຈັດກອງປະຊຸມຕ່າງໆຂອງຜູ້ນຳປະເທດອາຊີຕາເວັນອອກຢູ່ຟິລິບປິນໃນທ້າຍປີນີ້ແລະການໃຫ້ແຫຼມເກົາຫຼີປອດນິວເຄຼຍເປັນຕົ້ນ.
|
|
|
