|
|
 |
| (GMT+08:00)
2006-10-30 21:28:05
|
 |
|
ຜູ້ນຳຂອງຈີນແລະອາຊຽນເປັນເອກະສັນກັນໃຫ້ແກ້ໄຂບັນຫານິວເຄຼຍແຫຼມເກົາຫຼີ ດ້ວຍພາຫະນະການທູດ
cri
Author: shuo
ຕາມຂ່າວCRI:ວັນທີ30ຕຸລາ,ຢູ່ເມືອງນານນີງ ພາກຕາເວັນຕົກສຽງໃຕ້ຂອງຈີນ,ທ່ານເວີ່ນເຈ່ຍປາວ ນາຍົກລັດຖະມົນຕີຈີນແລະນາງໂກຼເລຍ ມາກາປາການ ອາໂຣໂຢ ປະທານາທິບໍດີຟິລິບປິນ ປະເທດປະທານຕາມຮອບໝູນວຽນຂອງອາຊຽນທີ່ເຂົ້າຮ່ວມກອງປະຊຸມສຸດຍອດລະລຶກຈີນອາຊຽນໄດ້ພົບປະນັກຂ່າວແລະກ່າວວ່າ,ຈີນແລະປະເທດສະມາຊິກຕ່າງໆຂອງອາຊຽນເປັນເອກະສັນກັນມີເຈດຈຳນົງໃຫ້ແກ້ໄຂບັນຫານິວເຄຼຍຂອງແຫຼມເກົາຫຼີໂດຍຜ່ານຄວາມພະຍາຍາມທາງການທູດ.
ທ່ານເວີ່ນເຈ່ຍປາວເວົ້າວ່າ,ຜູ້ນຳຂອງຈີນແລະປະເທດສະມາຊິກຕ່າງໆຂອງອາຊຽນເປັນເອກະສັນກັນມີເຈດຈຳນົງໃຫ້ແຫຼມເກົາຫຼີປອດນິວເຄຼຍ,ຮຽກຮ້ອງໃຫ້ຝ່າຍຕ່າງໆທີ່ກ່ຽວຂ້ອງສືບຕໍ່ຍຶດໝັ້ນເປົ້າໝາຍທີ່ໃຫ້ແຫຼມເກົາຫຼີບັນລຸການປອດນິວເຄຼຍທີ່ຕົກລົງກັນໃນຖະແຫຼງການຮ່ວມ"19ກັນຍາ"ທີ່ເຊັນກັນໃນປີ2005,ແລະຈັດການເຈລະຈາຫົກຝ່າຍຄືນໃໝ່ໂດຍໄວ.
ນາງອາໂຣໂຢ ປະທານາທິບໍດີຟິລິບປິນສະແດງຄວາມຍ້ອງຍໍໃນລະດັບສູງຕໍ່ຫຼັກໝັ້ນຂອງຈີນໃນບັນຫານິວເຄຼຍແຫຼມເກົາຫຼີ,ພ້ອມກັນນັ້ນ,ນາງພ້ອມທັງກ່າວວ່າ,ເນື່ອງຈາກສະຖານະການປະຈຸບັນຂອງແຫຼມເກົາຫຼີ,ຝ່າຍຕ່າງໆທີ່ຮ່ວມປະຊຸມເປັນເອກະສັນກັນເຫັນວ່າ,ຝ່າຍທີ່ກ່ຽວຂ້ອງຄວນພ້ອມກັນພະຍາຍາມເພື່ອແກ້ໄຂບັນຫານິວເຄຼຍຂອງແຫຼມເກົາຫຼີດ້ວຍວິທີການທູດ.
|
|
|
