|
ຕາມຂ່າວສານຊິນຮວາ: ວັນທີ 30 ຕຸລາ, ກອງປະຊຸມ "ການລິເລີ່ມຕ້ານລັດທິກໍ່ການຮ້າຍນິວເຄຼຍທົ່ວໂລກ" ຄັ້ງປະຖົມມະເລີກໄດ້ຈັດຂຶ້ນຢູ່ຣາບັດ ນະຄອນຫຼວງຂອງມາຣົກ. ມື້ດຽວກັນ ທ່ານຈ່າງອຽນ ຜູ່ແທນຈີນ ຫົວໜ້າກົມຄວບຄຸມກຳລັງລົບກະຊວງການຕ່າງປະເທດຈີນທີ່ຮ່ວມປະຊຸມໄດ້ບັນຍາຍຫຼັກໝັ້ນຕ້ານລັດທິກໍ່ການຮ້າຍນິວເຄຼຍໃນກອງປະຊຸມ.
ທ່ານຈ່າງອຽນກ່າວເນັ້ນວ່າ, ຍາມໃດຈີນກໍ່ເດັດດ່ຽວຄັດຄ້ານລັດທິກໍ່ການຮ້າຍທຸກຮູບແບບ, ສະໜັບສະໜູນວັດຖຸປະສົງແລະເປົ້າໝາຍຂອງ "ການລິເລີ່ມຕ້ານລັດທິກໍ່ການຮ້າຍນິວເຄຼຍທົ່ວໂລກ", ມີເຈດຈຳນົງວ່າ ການເຄື່ອນໄຫວທີ່ກ່ຽວຂ້ອງຄວນຈຳກັດຢ່າງເຄັ່ງຄັດຢູ່ໃນຂອບເຂດທີ່ຕໍ່ຕ້ານການເຄື່ອນໄຫວນິວເຄຼຍຂອງພວກກໍ່ການຮ້າຍ.
ທ່ານຈ່າງອຽນເຫັນວ່າ, "ການລິເລີ່ມຕ້ານລັດທິກໍ່ການຮ້າຍທົ່ວໂລກ" ຄວນຍຶດໝັ້ນປະເທດຄູ່ຮ່ວມມືຕ່າງໆປະຕິບັດຕາມກົດໝາຍພາຍໃນປະເທດຕົນແລະກົດໝາຍລະຫວ່າງຊາດ ບົນພື້ນຖານສະໝັກໃຈ. ໃນເວລາຕ້ານລັດທິກໍ່ການຮ້າຍນິວເຄຼຍ, ຕ້ອງລະມັດລະວັງໃນເວລາໃຊ້ມາດຕະການເສດຖະກິດແລະການເງິນ.
|
