|
ທ່ານເວິນເຈ່ຍປາວ ນາຍົກລັດຖະມົນຕີຈີນກ່າວຄຳປາໄສ
ຕາມຂ່າວ CRI: ວັນທີ 31 ຕຸລາ, ງານວາງສະແດງສິນຄ້າຫຼືເອັກສ໌ໂປແລະກອງປະຊຸມສຸດຍອດການຄ້າແລະການລົງທຶນຈີນອາຊຽນຄັ້ງທີ 3 ໄດ້ຈັດຂຶ້ນຢູ່ເມືອງໜານໜິງເຂດກວາງຊີ ທາງພາກຕາເວັນຕົກສຽງໃຕ້ຂອງຈີນ. ທ່ານເວິນເຈ່ຍປາວ ນາຍົກລັດຖະມົນຕີຈີນແລະຜູ່ນຳປະເທດສະມາຊິກອາຊຽນ ເຊັ່ນ ນາງໂກຼເຣຍ ມາຄາປາການ ອາໂຣໂຢ ປະທານາທິບໍດີຟິລິບປິນ ປະເທດປະທານຕາມຮອບໝູນວຽນຂອງອາຊຽນເປັນຕົ້ນໄດ້ເຂົ້າຮ່ວມພິທີໄຂສອງກອງປະຊຸມດັ່ງກ່າວ.
ທ່ານເວິນເຈ່ຍປາວກ່າວຄຳປາໄສໃນກອງປະຊຸມ
ໃນພິທີໄຂງານເອັກສ໌ໂປຈີນອາຊຽນ, ທ່ານເວິນເຈ່ຍປາວກ່າວວ່າ, ງານເອັກສ໌ໂປຈີນອາຊຽນໄດ້ສ້າງເວທີໃຫ້ສອງຝ່າຍຕ່າງໄດ້ຮັບຜົນປະໂຫຍດ ຮ່ວມມືກັນແລະພັດທະນາ. ທ່ານເວິນເຈ່ຍປາວຍັງຫວັງໃຫ້ຈີນແລະອາຊຽນສືບຕໍ່ພະຍາຍາມ, ເພື່ອບັນລຸເປົ້າໝາຍທີ່ເຮັດໃຫ້ການຄ້າລະຫວ່າງສອງຝ່າຍມີມູນຄ່າຫຼາຍກວ່າ 200 ຕື້ໂດລາເມື່ອຮອດປີ 2010.
ນາງອາໂຣໂຢ ປະທານາທິບໍດີຟິລິບປິນກ່າວຄຳປາໄສໃນກອງປະຊຸມ
ໃນພີທີໄຂງານເອັກສ໌ໂປຈີນອາຊຽນ, ນາງອາໂຣໂຢ ປະທານາທິບໍດີຟິລິບປິນໄດ້ກ່າວຄຳປາໄສວ່າ, ປະເທດສະມາຊິກອາຊຽນມາລົງທຶນຢູ່ຈີນນັບມື້ນັບຫຼາຍ, ອາຊຽນກໍ່ຫວັງໃຫ້ຈີນລົງທຶນຢູ່ປະເທດສະມາຊິກອາຊຽນຫຼາຍກວ່າເກົ່າ.
1 2
|
