|
|
 |
| (GMT+08:00)
2006-10-31 19:17:47
|
 |
|
ຈີນເດັດດ່ຽວຄັດຄ້ານອາເມລິກາຂາຍອາວຸດໃຫ້ໄຕ້ຫວັນ
cri
Author: shuo
ຕາມຂ່າວສານຊິນຮວາ:ວັນທີ31ຕຸລາ,ທ່ານລິວຈ້ຽນຊ່າວ ໂຄສົກກະຊວງການຕ່າງປະເທດຈີນກ່າວວ່າ,ອາເມລິກາຂາຍອາວຸດໃຫ້ໄຕ້ຫວັນ,ໄດ້ລະເມີດຄຳໝັ້ນສັນຍາຂອງລັດຖະບານອາເມລິກາທີ່ມີຕໍ່ຝ່າຍຈີນໃນປະກາດແຈ້ງການຮ່ວມສາມສະບັບລະຫວ່າງຈີນກັບອາເມລິກາ ໂດຍສະເພາະແມ່ນໃນປະກາດແຈ້ງການ17ສິງຫາ,ເປັນໄພອັນຕະລາຍຕໍ່ຄວາມປອດໄພແຫ່ງຊາດແລະພາລະກິດໂຮມປະເທດຈີນເຂົ້າເປັນເອກະພາບກັນ,ລັດຖະບານແລະປະຊາຊົນຈີນເດັດດ່ຽວຄັດຄ້ານໂດຍຕະຫຼອດ.
ໃນເວລາຕອບຄຳຖາມທີ່ກ່ຽວຂ້ອງຂອງນັກຂ່າວຢູ່ປັກກິ່ງ,ທ່ານລິວຈ້ຽນຊ່າວກ່າວວ່າ,ຝ່າຍຈີນເຕືອນໃຫ້ຝ່າຍອາເມລິກາປະຕິບັດຕາມນະໂຍບາຍຈີນດຽວຢ່າງເຄັ່ງຄັດ,ປະຕິບັດຕາມຄຳໝັ້ນສັນຍາທີ່ຄັດຄ້ານໄຕ້ຫວັນເປັນເອກະລາດ,ຢຸດຕິການຂາຍອາວຸດໃຫ້ໄຕ້ຫວັນແລະຢຸດຕິການຕິດຕໍ່ພົວພັນດ້ານການທະຫານກັບໄຕ້ຫວັນ,ໃຊ້ການເຄື່ອນໄຫວຕົວຈິງປົກປັກຮັກສາສັນຕິພາບ ສະຖຽນລະພາບຂອງຊ່ອງແຄບໄຕ້ຫວັນແລະການພົວພັນຈີນອາເມລິກາ.
|
|
|
