|
ຕາມຂ່າວ CRI: ວັນທີ 31 ຕຸລາຢູ່ເມືອງໜານໜິງ, ທ່ານບົວສອນ ບຸບຜາວັນ ນາຍົກລັດຖະມົນຕີລາວ ທ່ານໂຊວິນ ນາຍົກລັດຖະມົນຕີມຽນມາ ແລະທ່ານບາດາວີ ນາຍົກລັດຖະມົນຕີມາເລເຊຍກ່າວວ່າ, ຫວັງເພີ່ມທະວີການຮ່ວມມືດ້ານເສດຖະກິດການຄ້າລະຫວ່າງອາຊຽນກັບຈີນຕື່ມອີກ, ສ້າງເຂດການຄ້າເສລີອາຊຽນຈີນໃຫ້ສຳເລັດໂດຍໄວເທົ່າທີ່ຈະໄວໄດ້.
ຜູ່ນຳເຫຼົ່ານີ້ແມ່ນກ່າວຄວາມດັ່ງກ່າວໃນເວລາເຂົ້າຮ່ວມການສົນທະນາຫົວຂໍ້ສະເພາະຂອງກອງປະຊຸມສຸດຍອດການຄ້າແລະການລົງທຶນຈີນອາຊຽນຄັ້ງທີ 3. ທ່ານບົວສອນ ບຸບຜາວັນກ່າວວ່າ, ລາວຈະພະຍາຍາມປັບປຸງສະພາບແວດລ້ອມການລົງທຶນໃດ້ດີຂຶ້ນ, ໃຊ້ນະໂຍບາຍບູລິມາສິດກວ່າເກົ່າເພື່ອຊຸກຍູ້ການແລກປ່ຽນແລະການຮ່ວມມືລະຫວ່າງສອງຝ່າຍ. ທ່ານໂຊວິນກ່າວວ່າ, ປະເທດສະມາຊິກອາຊຽນສົ່ງເສີມແລະຄອງຄອຍນັກທຸລະກິດຈີນຫຼາຍກວ່າເກົ່າໄປລົງທຶນຢູ່ອາຊຽນ. ທ່ານບາດາວີກ່າວວ່າ, ຫວັງໃຫ້ສອງຝ່າຍພະຍາຍາມຊຸກຍູ້ການກໍ່ສ້າງເຂດການຄ້າເສລີ, ຂະຫຍາຍການພົວພັນລະຫວ່າງສອງຝ່າຍໂດຍຜ່ານການພັດທະນາການຮ່ວມມືດ້ານເສດຖະກິດການຄ້າ.
|
