ຕາມ​ຂ່າວສານ​ຊິນ​ຮວາ: ວັນ​ທີ 1 ພະຈິກຢູ່​​ເມືອງ​ໜານ​ໜິງ​ເຂດ​ກວາງ​ຊີ​ຈີນ, ທ່ານ​ບົວ​ສອນ ບຸບ​ຜາ​ວັນ ນາຍົກລັດຖະມົນຕີລາວ​ໄດ້​ໃຫ້​ສຳພາດ​ຕໍ່​ນັກ​ຂ່າວ​ວ່າ, ກອງ​ປະຊຸມ​ສຸດ​ຍອດ​ລະ​ລຶກ​ການ​ສ້າງ​ເປັນ​ປະ​ເທດ​ຄູ່​ເຈລະຈາ​ຈີນ​ອາຊຽນຄົບຮອບ 15 ປີ​ບໍ່ພຽງ​ແຕ່​ໄດ້​ສະ​ຫຼຸບ​ການ​ພົວ​ພັນ​ລະ​ຫວ່າງ​ປະ​ເທດ​ສະມາຊິກ​ອາຊຽນກັບ​ຈີນ​ໃນ 15 ປີຜ່ານ​ມາ​ເທົ່າ​ນັ້ນ, ​​ແຕ່​ຍັງ​ເປັນ​ທິດ​ທາງ​ຮ່ວມ​ມື​ລະ​ຫວ່າງ​ອາຊຽນກັບ​ຈີນ​ໃນ​ອະນາ​ຄົດ​ອີກ​ດ້ວຍ.

ທ່ານ​ບົວ​ສອນ ບຸບຜາ​ວັນ​ກ່າວ​ວ່າ, ລາວ​ຈີນ​ຄວນ​ເພີ່ມ​ທະວີ​ການ​ໄປມາຫາສູ່​ກັນ​ດ້ານ​ການ​ຄ້າ, ສອງ​ຝ່າຍ​ມີ​ອະນາຄົດ​ຮ່ວມ​ມື​ອັນ​ກວ້າງຂວາງ​ໃນ​ການ​ພັດທະນາ​ການ​ທ່ອງ​ທ່ຽວ​ແລະ​ອົບ​ຮົມ​ນັກ​ວິ​ຊາ​ການ. ​ເຂດ​ກວາງ​ຊີ​ຈີນ​ກັບ​ລາວ​ຄວນ​ເພີ່ມ​ທະວີ​ການ​ຢ້ຽມ​ຢາມ​ເຊິ່ງ​ກັນ​ແລະ​ກັນ, ຊຸກ​ຍູ້​ການ​ໄປມາຫາສູ່​ກັນ​ຢ່າງ​ມີ​​ໄມຕີ​ຈິດ, ທ່ານ​ສະ​ເໜີ​ໃຫ້​ຄະ​ນະ​ຜູ່​ແທນ​ນັກ​ທຸ​ລະ​ກິດ​ເຂດ​ກວາງ​ຊີ​ໄປ​ທັດ​ສະ​ນະ​ສຶກສາຢູ່ລາ​ວ, ສອງ​ຝ່າຍ​ສາມາດ​ປຶກສາ​ຫາລື​ກັນ​ຕື່ມ​ອີກ​ກ່ຽວ​ກັບ​ການ​ຮ່ວມ​ມື​ລະຫວ່າງ​ສອງ​ຝ່າຍ.