|
ຜູ່ນຳແລະສື່ມວນຊົນຂອງປະເທດອາຟິຼກກາຕີລາຄາສູງຕໍ່ການພົວພັນຮ່ວມມືແລະໄມຕີຈິດລະຫວ່າງຈີນກັບອາຟິຼກາ
cri
ຕາມຂ່າວCRI,ເນື່ອງໃນໂອກາດກອງປະຊຸມສຸດຍອດເວທີປຶກສາຫາລືການຮ່ວມມືຈີນ_ອາຟິຼກກາທີ່ປັກກິ່ງຈະໄຂຂຶ້ນໃນໄວໆນີ້,ຜູ່ນຳແລະສື່ມວນຊົນຂອງປະເທດອາຟິຼກກາໄດ້ຕີລາຄາສູງຕໍ່ການພົວພັນຮ່ວມມືແລະໄມຕີຈິດລະຫວ່າງຈີນກັບອາຟິຼກກາ.
ໃນເວລາໃຫ້ສຳພາດຕໍ່ສື່ມວນຊົນຈີນຢູ່ທີ່ເລີແກໃນວັນທີ30ຕຸລາແລ້ວນີ້,ທ່ານຮັອສນີມູບາລັກ ປະທານາທິບໍດີເອຢິບກ່າວວ່າ,ການພົວພັນອາຟິຼກກາຈີນແມ່ນສ້າງຕັ້ງຂຶ້ນບົນພື້ນຖານແຫ່ງຄວາມສະເໝີພາບ,ຕ່າງຝ່າຍຕ່າງມີຜົນປະໂຫຍດແລະເຄົາລົບເຊິ່ງກັນແລະກັນ.ທ່ານເຫັນວ່າ,ການພົວພັນຮ່ວມມືແລະໄມຕີຈິດລະຫວ່າງຈີນກັບອາຟິຼກກາມີທ່າແຮງບົ່ມຊ້ອນອັນມະຫາສານໃນດ້ານການພັດທະນາ.
ມື້ວານນີ້,ຢູ່ນະຄອນຫຼວງລູຊາກາ,ທ່ານຟາຕຼິກມູວານາວາຊາປະທານາທິບໍດີຊຳບີກ່າວວ່າ,ປີນີ້ແມ່ນຈີນແລະອາຟິຼກກາສ້າງສາຍສຳພັນທາງການທູດຄົບຮອບ50ປີ,ທ່ານຫວັງວ່າກອງປະຊຸມເທື່ອນີ້ຈະສ້າງຄວາມສຸກໃຫ້ແກ່ປະຊາຊົນຈີນແລະອາຟິຼກກາ.
ໜັງສືພິມເດີແອເນີລິສທ໌ຂອງລີເບຣີສະບັບວັນທີ30ຕຸລາແລ້ວນີ້ໄດ້ພິມບົດນຳໂດຍຊີ້ອອກ
ວ່າ,ໃນໄລຍະຍາວນານມານີ້,ຈີນໄດ້ຮັກສາການພົວພັນໄມຕີຈິດກັບລີເບຣີ.ລັດຖະບານລີ
ເບຣີທີ່ນຳໂດຍປະທານາທິບໍດີເອເລີນຈອນຊັນເຊີລິຟໄດ້ເອົາໃຈໃສ່ເປັນພິເສດນຳການ
ຮ່ວມມືກັບຈີນ,ໃນໄລຍະໄຂກອງປະຊຸມສຸດຍອດ,ລີເບຣີແລະຈີນຫວັງຈະກ້າວເຖິງຂັ້ນມີ
ຄວາມເປັນເອກະສັນກັນກ່ຽວກັບການຂະຫຍາຍການພົວພັນສອງຝ່າຍ.
|
|
