|
|
 |
| (GMT+08:00)
2006-11-01 20:46:42
|
 |
|
ຈີນກ່າວເຖິງບົດລາຍງານການປຶກສາຫາລືກັບຈີນຂອງອົງການກອງທຶນສາກົນ
cri
ຕາມຂ່າວສານຊິນຮວາ,ວັນທີ31ຕຸລາ,ຢູ່ວໍຊິງຕັນ,ອົງການກອງທຶນສາກົນໄດ້ປະກາດບົດລາຍງານປຶກສາຫາລືກັບຈີນປີ2006ຕາມມາດຕາທີສີ່ຂອງອົງການດັ່ງກ່າວ.ໃນເວລາໃຫ້ສຳພາດຕໍ່ນັກຂ່າວໃນມື້ດຽວກັນ,ທ່ານວາງສຽວອີ ຜູ່ອຳນວຍການບໍລິຫານງານຂອງຈີນປະຈຳອົງການກອງທຶນສາກົນກ່າວວ່າ,ບົດລາຍງານໄດ້ພັນລະນາແລະວິເຄາະບັນຫາສຳຄັນຂອງເສດຖະກິດມະຫາພາກຂອງຈີນ.ແຕ່ບໍ່ໄດ້ສ່ອງແສງຢ່າງເຕັມສ່ວນເຖິງການຄືບໜ້າຂອງການປະຕິຮູບກົນໄກຈໍ່ຕົວເປັນອັດຕາແລກປ່ຽນເງິນຢວນ,ການວິນິໄສຕໍ່ບົດບາດຂອງອັດຕາແລກປ່ຽນນັ້ນກໍເປັນຕາໃຫ້ຫາລືຕື່ມອີກ.
ທ່ານວາງສຽວອີກ່າວວ່າ,ແຕ່ປະຕິບັດການປະຕິຮູບກົນໄກຈໍ່ຕົວເປັນອັດຕາແລກປ່ຽນເງິນຢວນໃນວັນທີ21ກໍລະກົດປີ2005ມານີ້,ລັດຖະບານຈີນໄດ້ໃຊ້ມາດຕະການຕ່າງໆ,ບູລະນະລະບອບອັດຕາແລກປ່ຽນແບບລອຍຕົວທີ່ມີການຄຸ້ມຄອງໃຫ້ສົມບູນຂຶ້ນຕື່ມອີກ,ໃນດ້ານການກໍ່ສ້າງຕະຫຼາດເງິນຕາຕ່າງປະເທດແລະການຜ່ອນຄາຍການຄຸ້ມຄອງເງິນຕາຕ່າງປະເທດຢ່າງມີລະບຽບນັ້ນ,ລ້ວນແຕ່ໄດ້ຮັບການຄືບໜ້າຢ່າງໃຫຍ່ສົມຄວນ.ລັກສະນະຄ່ອງແຄ້ວຂອງອັດຕາແລກປ່ຽນເງິນຢວນຈີນໄດ້ເພີ່ມຂຶ້ນຢ່າງບໍ່ຢຸດຢັ້ງ,ຄວາມຕ້ອງການແລະການສະໜອງໃນຕະຫຼາດໄດ້ເສີມຂະຫຍາຍບົດບາດພື້ນຖານຕື່ມອີກໃນການຕັດສິນອັດຕາແລກປ່ຽນ.
ອີງຕາມມາດຕາທີ4ຂອງກົດລະບຽບອົງການກອງທຶນສາກົນ,ອົງການດັ່ງກ່າວມີພາລະບົດບາດທີ່ຕິດຕາມກວດກາສອງຝ່າຍຕໍ່ປະເທດສະມາຊິກຕ່າງໆ.ດ້ວຍເຫດນີ້,ທຳມະດາແລ້ວ,ອົງການກອງທຶນສາກົນຈະຈັດການປຶກສາຫາລືກັບປະເທດສະມາຊິກປີລະເທື່ອໜຶ່ງ.
|
|
|
