|
|
 |
| (GMT+08:00)
2006-11-02 18:12:04
|
 |
|
ກອງປະຊຸມເຈົ້າໜ້າທີ່ອາວຸໂສຄັ້ງທີ5ຂອງເວທີປຶກສາຫາລືການຮ່ວມມືຈີນອາຟິຼກກາອັດລົງ
cri
ຕາມຂ່າວCRI, ກອງປະຊຸມເຈົ້າໜ້າທີ່ອາວຸໂສຄັ້ງທີ5ຂອງເວທີປຶກສາຫາລືການຮ່ວມມືຈີນອາຟິຼກກາທີ່ຈັດຂຶ້ນຢູ່ປັກກິ່ງໄດ້ອັດລົງແລ້ວໃນ ວັນທີ2ພະຈິກ.ທ່ານເວິຍຈ້ຽນໂກ ເລຂາຄະນະກຳມະການກະກຽມຝ່າຍຈີນຂອງກອງປະຊຸມສຸດຍອດເວທີປຶກສາຫາລືທີ່ປັກກິ່ງ ລັດຖະມົນຕີຊ່ອຍວ່າການກະຊວງການຄ້າຈີນແລະທ່ານໂນລານາ ຕາອາມາ ຫົວໜ້າຜູ່ວ່າການແທນຂອງຄະນະທູດຕານຸທູດອາຟິຼກກາປະຈຳຈີນເອກອັກຄະລັດຖະທູດໂຕໂກປະຈຳຈີນຕ່າງໄດ້ກ່າວຄຳອວຍພອນໃນພິທີອັດປະຊຸມ.
ທ່ານເວິຍຈ້ຽນໂກກ່າວວ່າ,ນັບແຕ່ເວທີປຶກສາຫາລືການຮ່ວມມືຈີນອາຟິຼກກາສ້າງຕັ້ງຂຶ້ນ6ປີມານີ້,ການຮ່ວມມືທີ່ຕ່າງຝ່າຍຕ່າງມີຜົນປະໂຫຍດໃນຂົງເຂດຕ່າງໆລະຫວ່າງຈີນກັບອາຟິຼກກາໄດ້ພັດທະນາຢ່າງວ່ອງໄວ.ໃນກອງປະຊຸມສຸດຍອດເທື່ອນີ້,ຜູ່ນຳຈີນແລະອາຟິຼກກາຈະລົງເລິກແລກປ່ຽນຄວາມເຫັນຕື່ມອີກກ່ຽວກັບການຂະຫຍາຍການພົວພັນຈີນອາຟິຼກກາ,ວາງແຜນຮອບດ້ານກ່ຽວກັບການຮ່ວມມືລະຫວ່າງສອງຝ່າຍໃນຂົງເຂດຕ່າງໆໃນອະນາຄົດ.ກອງປະຊຸມຍ່ອມຈະເພີ່ມພະລັງຊີວິດໃໝ່ໃຫ້ແກ່ມິດຕະພາບແລະການຮ່ວມມືລະຫວ່າງຈີນກັບອາຟິຼກກາ.
ທ່ານຕາ ອາມາກ່າວວ່າ,ປີນີ້ແມ່ນຈີນກັບປະເທດອາຟິຼກກາເລີ່ມສ້າງສາສຳພັນທາງການທູດຄົບຮອບ50ປີ,ກອງປະຊຸມສຸດຍອດເວທີປຶກສາຫາລືການຮ່ວມມືຈີນອາຟິຼກກາທີ່ປັກກິ່ງຈະເປັນເຫດການສຳຄັນທີ່ສຸດໃນປະຫວັດການພົວພັນຈີນອາຟິຼກກາ,ຈະເປັນການປັບປຸງການພົວພັນຈີນອາຟິຼກກາຕື່ມອີກ,ມີຜົນດີຕໍ່ການບັນລຸຈຸດໝາຍທີ່ສອງຝ່າຍຮັດແໜ້ນມິດຕະພາບ,ຊຸກຍູ້ການຮ່ວມມືແລະພ້ອມກັນພັດທະນາ.
|
|
|
