|
ຝ່າຍຕ່າງໆທີ່ກ່ຽວຂ້ອງກັບບັນຫານີວເຄຼຍແຫຼມເກົາຫຼີໃຫ້ທັດສະນະກ່ຽວກັບສ.ປ.ປ.ເກົາຫຼີປະກາດກັບຄືນສູ່ການເຈລະຈາຫົກຝ່າຍ
cri
ຕາມຂ່າວCRI, ວັນທີ1ພະຈິກ,ຢູ່ທີ່ພຽງຢາງ,ໂຄສົກກະຊວງການຕ່າງປະເທດສ.ປ.ປ.ເກົາຫຼີປະກາດວ່າ,ສ.ປ.ປ.ເກົາຫຼີຈະກັບຄືນສູ່ການເຈລະຈາຫົກຝ່າຍ,ແຕ່ເງື່ອນໄຂເບື້ອງຕົ້ນແມ່ນສ.ປ.ປ.ເກົາຫຼີແລະອາເມລິກາຫາລືບັນຫາຍົກເລີກການລົງໂທດດ້ານການເງິນພາຍໃນຂອບການເຈລະຈາຫົກຝ່າຍ. ຝ່າຍຕ່າງໆທີ່ກ່ຽວຂ້ອງກັບບັນຫານີວເຄຼຍແຫຼມເກົາຫຼີເຊັ່ນສ.ເກົາຫຼີ,ຍີ່ປຸ່ນແລະອາເມລິກາໄດ້ພາກັນໃຫ້ທັດນະນະກ່ຽວກັບເລື່ອງນີ້.
ໃນເວລາໃຫ້ສຳພາດຕໍ່ສື່ມວນຊົນອາເມລິກາໃນວັນທີ1ພະຈິກ,ທ່ານຈອຈ໌ບຸສ ປະທານາທິບໍດີອາເມລິກາກ່າວວ່າ,ຫວັງໃຫ້ການເຈລະຈາຫົກຝ່າຍຈັດຂຶ້ນຄືນໃໝ່ໂດຍໄວແລະໄດ້ຮັບຜົນສຳເລັດ.ທ່ານກ່າວວ່າ,ການເຈລະຈາຫົກຝ່າຍໄດ້ຮັບຜົນສຳເລັດໝາຍຄວາມວ່າຝ່າຍສ.ປ.ປ.ເກົາຫຼີກຳຈັດອາວຸດນີວເຄຼຍຂອງເຂົາແລະຍົກເລີກແຜນການພັດທະນາອາວຸດນີວເຄຼຍ.
ວັນທີ1ພະຈິກ,ຢູ່ທີ່ເຊອຸນ ທ່ານລີຈົງເຊວຄ໌ ລັດຖະມົນຕີວ່າການກະຊວງການໂຮມປະເທດເຂົ້າເປັນເອກະພາບຂອງສ.ເກົາຫຼີກ່າວວ່າ,ສ.ເກົາຫຼີຈະບໍ່ຮັບເອົາການທີ່ສ.ປ.ປ.ເກົາຫຼີເຂົ້າຮ່ວມການເຈລະຈາຫົກຝ່າຍໃນຖານະເປັນປະເທດທີ່ມີອາວຸດນີວເຄຼຍ.
ມື້ດຽວກັນ,ຢູ່ທີ່ໂຕກຽວ,ທ່ານຊິນໂຈ ອາເບ ນາຍົກລັດຖະມົນຕີຍີ່ປຸ່ນໄດ້ໃຫ້ຄວາມຢືນຢັນແກ່ສ.ປ.ປ.ເກົາຫຼີທີ່ຕົກລົງກັບຄືນສູ່ການເຈລະຈາຫົກຝ່າຍ.ແຕ່ພ້ອມກັນນັ້ນ,ທ່ານຍັງກ່າວວ່າ,ຍ້ອນວ່າສ.ປ.ປ.ເກົາຫຼີທົດລອງຍິງລູກສອນໄຟນຳວິຖີແລະທົດລອງນີວເຄຼຍ,ແລະບໍ່ໄດ້ສະແດງຄວາມຈິງໃຈໃນບັນຫາລັກພາຕົວປະກັນ,ສະນັ້ນ,ປັດຈຸບັນ,ຍີ່ປຸ່ນຍັງຈະບໍ່ຍົກເລີກການລົງໂທດສ.ປ.ປ.ເກົາຫຼີທີ່ພວມປະຕິບັດຢູ່.
|
|
