ຕາມຂ່າວສານຊິນຮວາ: ວັນທີ 2 ພະຈິກ, ເຈົ້າໜ້າທີ່ຕຳຫຼວດກິ່ງແຂວງສິບສອງພັ່ນນາແຂວງຢຸນນານຈີນໄດ້ສິ້ນສຸດການປະຕິບັດການທີ່ຊື່ວ່າ "ລ່າເນື້ອຢູ່ຊາຍແດນ" ທີ່ດຳເນີນມາເປັນເວລາ 7 ມື້, ໄດ້ມ້າງຄະດີຢາເສບຕິດ 10 ລາຍ, ກວດພົບຢາເສບຕິດປະເພດຕ່າງໆເກືອບ 13 ກິໂລ.
ການເຄື່ອນໄຫວເທື່ອນີ້ແມ່ນດຳເນີນຢູ່ເຂດຊາຍແດນຈີນມຽນມາແລະຈີນລາວ. ໃນຫຼາຍປີມານີ້, ລາຄາຢາເສບຕິດຢູ່ເຂດໃນຈີນຖີບສູງຂຶ້ນຫຼາຍ, ມີຢາເສບຕິດຈາກເຂດສາມຫຼ່ຽມຄຳເຂົ້າສູ່ສິບສອງພັ່ນນາເພີ່ມຫຼາຍຂຶ້ນ, ສະນັ້ນ, ຕຳຫຼວດທ້ອງຖິ່ນຈຶ່ງໄດ້ປະຕິບັດການ "ລ່າເນື້ອຢູ່ຊາຍແດນ" ເທື່ອນີ້.
|