|
ຕາມຂ່າວ CRI: ວັນທີ 3 ພະຈິກ, ພົນເອກສຸລະຍຸດ ຈຸລານົນ ນາຍົກລັດຖະມົນຕີໄທໄດ້ບັນຍາຍໂຄງການປະຕິບັດງານຂອງລັດຖະບານໃນກອງປະຊຸມນິຕິບັນຍັດແຫ່ງຊາດ, ທ່ານກ່າວເນັ້ນວ່າ, ວິກິດການການເມືອງອັນໜັກໜ່ວງພາໃຫ້ໄທເກີດການປ່ຽນແປງອຳນາດການປົກຄອງໃນຫວ່າງບໍ່ດົນນີ້, ລັດຖະບານໄທຊຸດປັດຈຸບັນຈະອອກແຮງຮັກສາຄວາມສາມັກຄີແລະສະຖຽນລະພາບຂອງຊາດ. ທ່ານຍັງກ່າວວ່າ, ລັດຖະບານໄທຈະໃຫ້ປະຊາຊົນເຂົ້າຮ່ວມຂະບວນການສ້າງລັດຖະທຳມະນູນສະບັບໃໝ່; ຍຶດໝັ້ນທິດສະດີເສດຖະກິດທີ່ "ກຸ້ມຕົນເອງ"; ສ້າງກົນໄກຕິດຕາມກວດກາການສໍ້ລາດບັງຫຼວງຢ່າງແຂງແຮງເປັນຕົ້ນ.
ລັດຖະບານໄທຊຸດປັດຈຸບັນເຊິ່ງແມ່ນພົນເອງສຸລະຍຸດເປັນນາຍົກລັດຖະມົນຕີແມ່ນສ້າງຕັ້ງຂຶ້ນພາຍຫຼັງລັດຖະບານຊຸດກ່ອນຖືກໂຄ່ນລົ້ມໃນການລັດຖະປະຫານ, ຈະປະຕິບັດງານຈົນຮອດການສຳເລັດວຽກງານສ້າງລັດຖະທຳມະນູນສະບັບໃໝ່ແລະຈັດການເລືອກຕັ້ງທົ່ວໄປຮອບໃໝ່ຕາມໂຄງປະກອບປະຊາທິປະໄຕ.
|
