|
|
 |
| (GMT+08:00)
2006-11-03 18:43:18
|
 |
|
ສື່ມວນຊົນຕ່າງປະເທດຕີລາຄາສູງຕໍ່ກອງປະຊຸມສຸດຍອດເວທີປຶກສາຫາລືການຮ່ວມມືຈີນອາຟິຼກກາທີ່ປັກກິ່ງ
cri
ຕາມຂ່າວCRI,ເນື່ອງໃນໂອກາດກອງປະຊຸມສຸດຍອດເວທີປຶກສາຫາລືການຮ່ວມມືຈີນອາຟິຼກກາໄຂຂຶ້ນທີ່ປັກກິ່ງ,ຫວ່າງມໍ່ໆນີ້,ສື່ມວນຊົນຕ່າງປະເທດໄດ້ພາກັນລາຍງານຂ່າວພິມບົດວິຈານແລະບົດນຳ,ຕີລາຄາຢ່າງຕັ້ງໜ້າຕໍ່ກອງປະຊຸມສຸດຍອດຄັ້ງນີ້.
ໜັງສືພິມ ແຟຼເຕີນິດ ອີ ມາຕິນ ໜັງສືພິມຝ່າຍທາງການຂອງກົດດີວົວຂຽນວ່າ:ໃນຂະບວນການພັດທະນາຂອງໂກລາພິວັດໃນປັດຈຸບັນ,ປະເທດອາຟຼິກກາຢູ່ໃນຖານະທີ່ບໍ່ມີຜົນດີ,ແຕ່ຈີນຍັງສະໜັບສະໜູນປະເທດອາຟິຼກກາໃນດ້ານການເມືອງ,ເສດຖະກິດແລະການຕ່າງປະເທດຄືເກົ່າ.
ໜັງສືພິມເຕີ ແນຊັນ ຂອງເກນຢາຂຽນວ່າ,ປະມຸກລັດຫຼືຫົວໜ້າລັດຖະບານຂອງອາຟິຼກກາ40ກວ່າທ່ານເຂົ້າຮ່ວມກອງປະຊຸມສຸດຍອດເທື່ອນີ້ຢ່າງຕັ້ງໜ້າ,ອັນໄດ້ສະແດງໃຫ້ເຫັນ ຄວາມສຳຄັນຕໍ່ແຜ່ນດິນໃຫຍ່ອາຟິຼກກາທີ່ຮັດແໜ້ນການພົວພັນກັບຈີນນັ້ນຢ່າງແຂງແຮງ.
ໜັງສືພິມ ອິນເຕີແນຊັນໂນ ເຮີຣາດ ຕິຼບູນຂອງອາເມລິກາຂຽນວ່າ,ເບົ້າແບບພັດທະນາທີ່ເຮັດໃຫ້ເສດຖະກິດຈີນພັດທະນາຢ່າງຟົດຟື້ນນັ້ນແມ່ນປັດໄຈສຳຄັນໜຶ່ງທີ່ດຶງດູດຜູ່ນຳປະເທດອາຟິຼກກາທັງຫຼາຍເຂົ້າຮ່ວມກອງປະຊຸມສຸດຍອດທີ່ປັກກິ່ງເທື່ອນີ້.ເບົ້າແບບຈີນດັ່ງກ່າວກໍເປັນການທ້າທາຍຕໍ່ທັດສະນະຄະຕິດັ້ງເດີມຂອງປະເທດຝ່າຍຕາເວັນຕົກກ່ຽວກັບການຫຼຸດຜ່ອນຄວາມທຸກຍາກແນວໃດ.
ໜັງສືພິມໂນເວເລັສ ເຕີຢູລົບຂອງຝຼັງຂຽນວ່າ,ກອງປະຊຸມສຸດຍອດເທື່ອນີ້ໄດ້ສ່ອງແສງ
ໃຫ້ເຫັນໝາກຜົນດ້ານການຕ່າງປະເທດທີ່ຮອບດ້ານແລະສັນຕິພາບຂອງຈີນ,ແລະກໍໄດ້
ສະແດງໃຫ້ເຫັນທັດສະນະຄະຕິທີ່ສ້າງໂລກທີ່ກົມກຽວກັນທີ່ສະເໜີໂດຍຜູ່ນຳລຸ້ນໃໝ່ຂອງ
ຈີນ.
|
|
|
