|
ຕາມຂ່າວCRI, ກອງປະຊຸມລະດັບລັດຖະມົນຕີຄັ້ງທີ3ຂອງເວທີປຶກສາຫາລືການຮ່ວມມືຈີນ-ອາຟິຼກກາໄດ້ໄຂຂຶ້ນຢູ່ປັກກິ່ງໃນວັນທີ3ພະຈິກ,ຜູ່ແທນຂອງຈີນແລະ48ປະເທດອາຟຼິກກາທີ່ເປັນສະມາຊິກຂອງເວທີປຶກສາຫາລືໄດ້ເຂົ້າຮ່ວມກອງປະຊຸມ.
ທ່ານນາງອູອີ ຮອງນາຍົກລັດຖະມົນຕີຈີນໄດ້ເຂົ້າຮ່ວມພິທີໄຂກອງປະຊຸມແລະກ່າວຄຳປາໄສວ່າ,ເວທີປຶກສາຫາລືການຮ່ວມມືຈີນ-ອາຟິຼກກາແມ່ນມາດຕະການຍຸດທະສາດອັນສຳຄັນທີ່ຈີນອາຟິຼກກາຮ່ວມກັນນຳໃຊ້ເພື່ອຮັບມືກັບການທ້າທາຍໃນສະຕະວັດໃໝ່,ສົ່ງເສີມໄມຕີຈິດອັນເປັນມູນເຊື້ອແລະເພີ່ມທະວີການຮ່ວມມືທີ່ຕ່າງຝ່າຍຕ່າງມີຜົນປະໂຫຍດ.ຈີນແລະອາຟິຼກກາຄວນບູລະນະກົນໄກຂອງເວທີປຶກສາຫາລືໃຫ້ສົມບູນຂຶ້ນຢ່າງບໍ່ຢຸດຢັ້ງ,ຊຸກຍູ້ການຮ່ວມມືໃນຂອບເວທີປຶກສາຫາລືລະຫວ່າງຈີນກັບອາຟິຼກກາ.
ທ່ານເຊຢູມ ເມສຟິນ ລັດຖະມົນຕີວ່າການກະຊວງການຕ່າງປະເທດເອທີໂອປີໄດ້ຕາງໜ້າປະເທດອາຟິຼກກາກ່າວຄຳປາໄສວ່າ,ໃນ6ປີທີ່ຜ່ານມາ,ເວທີປຶກສາຫາລືການຮ່ວມມືຈີນ-ອາຟຼິກກາໄດ້ອຳນວຍໂອກາດໃຫ້ແກ່ການຮ່ວມມືລະຫວ່າງສອງຝ່າຍໃນຂົງເຂດການຄ້າ,ການລົງທຶນ,ການພັດທະນາຊັບພະຍາກອນມະນຸດແລະຂົງເຂດອື່ນໆ.ແລະກໍໄດ້ສ້າງຄວາມອາດເປັນໄປໄດ້ໃຫ້ແກ່ ການຮ່ວມມືລະຫວ່າງສອງຝ່າຍໃນວຽກງານລະຫວ່າງຊາດ.ເອທີໂອປີໃນຖານະເປັນປະເທດປະທານຮ່ວມຂອງເວທີປຶກສາຫາລືການຮ່ວມມືຈີນ-ອາຟິຼກກາ,ຈະອອກແຮງສຸດຂີດເພື່ອຮັບປະກັນໃຫ້ກອງປະຊຸມສຸດຍອດເທື່ອນີ້ໄດ້ຮັບຜົນສຳເລັດ.
1 2
|
