|
|
 |
| (GMT+08:00)
2006-11-04 18:37:21
|
 |
|
ທ່ານເຊີນສຸຍປຽນ ຜູ້ນຳເຈົ້າໜ້າທີ່ໄຕ້ຫວັນພ້ອມດ້ວຍພັນລະຍາຖືກຢືນຢັນມີການກະທຳສໍ້ລາດບັງຫຼວງ
cri
Author: cai
ຕາມຂ່າວສານຊີນຮວາ:ວັນທີ 3 ພະຈິກ,ອົງການໄອຍະການຂອງໄຕ້ຫວັນໄດ້ປະກາດສິ້ນສຸດການສືບສວນຕໍ່ທ່ານເຊີນສຸຍປຽນ ຜູ້ນຳເຈົ້າໜ້າທີ່ໄຕ້ຫວັນກ່ຽວກັບຄະດີສໍ້ລາດບັງຫຼວງ.ຝ່າຍໄອຍະການເຫັນວ່າ,ທ່ານເຊີນສຸຍປຽນຖືກສົງໄສມີການກະທຳສໍ້ລາດບັງຫຼວງແລະປອມແປງເອກະສານ,ແຕ່ຍ້ອນເພິ່ນເປັນຜູ້ນຳເຈົ້າໜ້າທີ່ໄຕ້ຫວັນ,ມີ"ສິດຍົກເວັ້ນທາງອາຍາ",ຈຶ່ງບໍ່ໄດ້ຮ້ອງຟ້ອງຕໍ່ສານຊົ່ວຄາວ,ຕ້ອງຖ້າເວລາຮອດເພິ່ນຖືກປົດຕຳແໜ່ງຫຼືລາອອກຈາກຕຳແໜ່ງແລ້ວຈຶ່ງລົງໂທດ;ນາງອູຊູ່ເຈິ່ນ ພັນລະຍາຂອງທ່ານເຊີນສຸຍປຽນໄດ້ຕົວະເອົາ 14 ລ້ານ 8 ແສນກວ່າເງິນໄຕ້ຫວັນໃໝ່,ຖືກສົງໄສມີການກະທຳສໍ້ລາດບັງຫຼວງແລະປອມແປງເອກະສານ,ຈະຖືກຮ້ອງຟ້ອງ.
ພາຍຫຼັງຂ່າວດັ່ງກ່າວໄດ້ຊ່າລືອອກມາແລ້ວ,ພັກການເມືອງສຳຄັນຕ່າງໆພາຍໃນເກາະໄຕ້ຫວັນເຊັ່ນພັກກົກມິນຕັງຈີນ ພັກຊີ່ນມິນຕັງ "ສະຫະພັນສາມັກຄີໄຕ້ຫວັນ"ເປັນຕົ້ນໄດ້ທະຍອຍກັນຮຽກຮ້ອງໃຫ້ທ່ານເຊີນສຸຍປຽນລາອອກຈາກຕຳແໜ່ງໃນທັນທີ.ຕອນຄ່ຳວັນທີ 3 ພະຈິກ,ພັກກົກມິນຕັງຈີນໄດ້ຈັດກອງປະຊຸມ,ຕົກລົງຈະຈັດການແຫ່ຂະບວນຢ່າງຂະໜາດໃຫຍ່ທີ່ມີຄຳຂວັນວ່າ"ສິ້ນສຸດການສໍ້ລາດບັງຫຼວງ ປະຊາຊົນເປັນເຈົ້າ"ຢູ່ໄຕເປໃນຕອນບ່າຍວັນທີ 5 ພະຈິກ,ຖ້າທ່ານເຊີນສຸຍປຽນບໍ່ລາອອກຈາກຕຳແໜ່ງພາຍໃນ 48 ຊົ່ວໂມງ,ພັກກົກມິນຕັງຈະສະເໜີຍັດຕິປົດຕຳແໜ່ງຂອງທ່ານເຊີນສຸຍປຽນເປັນຄັ້ງທີ 3 ໃນອາທິດໜ້າ.
ປະຈຸບັນ,ທ່ານເຊີນສຸຍປຽນພ້ອມດ້ວຍພັນລະຍາບໍ່ໄດ້ໃຫ້ຄຳຕອບໃດໆຢ່າງເປີດເຜີຍຕໍ່ເລື່ອງນີ້.
|
|
|
