|
ການປັບປຸງໂຄງປະກອບການລົງທຶນໃຫ້ດີຂຶ້ນໄດ້ກາຍເປັນຈຸດໜັກຂອງນະໂຍບາຍດູດດຶງເອົາທຶນຕ່າງປະເທດຂອງຈີນໃນຕໍ່ໜ້າ
cri
Author: cai
ຕາມຂ່າວສານຊີນຮວາ:ໃນກອງປະຊຸມປະຈຳປີ CEO ຄັ້ງທີ 10 ຂອງວາລະສານ"ບີຊີນນິສ ວີກ"ທີ່ຫາກໍ່ອັດລົງ,ທ່ານນາງມາສີ້ວຮົງ ລັດຖະມົນຕີຊ່ວຍວ່າການກະຊວງການຄ້າຈີນເວົ້າວ່າ,ການປັບປຸງໂຄງປະກອບອຸດສາຫະກຳນັກທຸລະກິດຕ່າງປະເທດລົງທຶນໃຫ້ດີຂຶ້ນຕື່ມອີກແລະຍົກຄຸນນະພາບແລະລະດັບຂອງການດູດດຶງເອົາທຶນຕ່າງປະເທດໃຫ້ສູງຂຶ້ນນັ້ນ,ຈະກາຍເປັນຈຸດໜັກຂອງນະໂຍບາຍດູດດຶງເອົາທຶນຕ່າງປະເທດຂອງຈີນໃນຕໍ່ໜ້າ.
ນາງເວົ້າວ່າ,ໃນຕໍ່ໜ້າ,ຈີນຈະອີງຕາມຄວາມຕ້ອງການຂອງການພັດທະນາເສດຖະກິດແຫ່ງຊາດແລະການປັບປຸງໂຄງປະກອບອຸດສາຫະກຳ,ປັບປຸງສາລະບານການຊີ້ນຳອຸດສາຫະກຳດູດດຶງນັກທຸລະກິດຕ່າງປະເທດມາລົງທຶນໃນເວລາເໝາະສົມ,ພ້ອມກັນນັ້ນ,ສົ່ງເສີມໃຫ້ນັກທຸລະກິດຕ່າງປະເທດລົງທຶນຢູ່ແຫຼ່ງອຸດສາຫະກຳເກົ່າພາກຕາເວັນອອກສຽງເໜືອຂອງຈີນ,ຊຸກຍູ້ໃຫ້ນັກທຸລະກິດຕ່າງປະເທດໄປລົງທຶນຢູ່ພາກຕາເວັນຕົກຂອງຈີນ.
ຕາມສະເໜີໃຫ້ຮູ້ວ່າ,ນັບມາຮອດທ້າຍເດືອນກັນຍາປີນີ້,ແຫຼ່ງການລົງທຶນຂອງຕ່າງປະເທດໄດ້ລື່ນກາຍ 200 ປະເທດແລະເຂດແຄວ້ນ,ໃນ 500 ວິສາຫະກິດເຂັ້ມແຂງຂອງໂລກ,ມີ 480 ໄດ້ມາລົງທຶນຢູ່ຈີນ,ການລົງທຶນໃນອຸດສາຫະກຳເຕັກນິດສູງແລະໃໝ່ໄດ້ນັບມື້ນັບຫຼາຍຂຶ້ນ.
|
|
