|
|
 |
| (GMT+08:00)
2006-11-07 19:52:28
|
 |
|
ວິສາຫະກິດເຫຼັກກ້າໃຫຍ່ຂອງຈີນແລະຫວຽດນາມຮ່ວມກັນປະກອບສ້າງບໍລິສັດບໍ່ແຮ່ແລະຫຼອມໂລຫະ
cri
Author: cai
ຕາມຂ່າວສານຊີນຮວາ:ຫວ່າງມໍ່ໆນີ້,ບໍລິສັດບໍ່ແຮ່ແລະຫຼອມໂລຫະຈຳກັດຫວຽດນາມຈີນທີ່ບໍລິສັດເຫຼັກກ້າຈຳກັດຄູ່ນມີງ ວິສາຫະກິດຜະລິດເຫຼັກກ້າທີ່ໃຫຍ່ກວ່າໝູ່ຂອງແຂວງຢຸນນານຂອງຈີນກັບບໍລິສັດໃຫຍ່ເຫຼັກກ້າຫວຽດນາມແລະບໍລິສັດບໍ່ແຮ່ເລົາກາຍຫວຽດນາມຮ່ວມກັນສ້າງຂຶ້ນນັ້ນໄດ້ສ້າງຕັ້ງຂຶ້ນຢ່າງເປັນທາງການຢູ່ເມືອງເລົາກາຍແຫ່ງຫວຽດນາມ.
ຕາມຜູ້ຮັບຜິດຊອບຂອງບໍລິສັດເຫຼັກກ້າຄູ່ນມີງສະເໜີໃຫ້ຮູ້ວ່າ,ຍອດຈຳນວນທຶນຂອງໂຄງການດັ່ງກ່າວມີ 175 ລ້ານໂດລາ,ໃນນັ້ນ,ພາກສ່ວນທຶນຈົດທະບຽນແມ່ນ:ບໍລິສັດເຫຼັກກ້າຄູ່ນມີງແລະບໍລິສັດໃຫຍ່ເຫຼັກກ້າຫວຽດນາມຕ່າງຖືຫຸ້ນ 45%,ບໍລິສັດບໍ່ແຮ່ເລົາກາຍຖືຫຸ້ນ 10%.
ພາຍຫຼັງວິສາຫະກິດປະສົມໄດ້ສ້າງຕັ້ງຂຶ້ນແລ້ວ,ສາມຝ່າຍດັ່ງກ່າວຈະຜ່ານຈາກການຮ່ວມມືລະຫວ່າງວິສາຫະກິດຂ້າມຊາດ,ປັບປຸງທ່າແຮງດ້ານຕະຫຼາດກັບຊັບພະຍາກອນ,ນຳໃຊ້ນັກວິຊາການດ້ານເຕັກນິກແລະການຄຸ້ມຄອງຂອງບໍລິສັດເຫຼັກກ້າຄູ່ນມີງ ບໍລິສັດໃຫຍ່ເຫຼັກກ້າຫວຽດນາມແລະຊັບພະຍາກອນບໍ່ແຮ່ທີ່ມີຄຸນນະພາບດີຂອງເມືອງເລົາກາຍຫວຽດນາມ,ຍົກຄວາມສາມາດແກ່ງແຍ່ງຂອງຂະແໜງການເຫຼັກກ້າຂອງສອງປະເທດໃນພາກພື້ນນີ້ໃຫ້ສູງຂຶ້ນຢ່າງຮອບດ້ານ.
|
|
|
