|
|
 |
| (GMT+08:00)
2006-11-10 17:29:47
|
 |
|
ຈີນວາງກົດລະບຽບກ່ຽວກັບທຶນຕ່າງປະເທດຊື້ເອົາວິສາຫະກິດຈີນນັ້ນບໍ່ແມ່ນເພື່ອຈຳກັດການດູດດຶງທຶນຕ່າງປະເທດ
cri
Author: cai
ຕາມຂ່າວສານຊີນຮວາ:ວັນທີ 10 ພະຈິກ,ທ່ານກົ່ວຈີ່ງອີ້ ຮອງຫົວໜ້າກົມສົນທິສັນຍາແລະກົດໝາຍຂອງກະຊວງການຄ້າຈີນເວົ້າວ່າ,ການວາງກົດລະບຽບກ່ຽວກັບທຶນຕ່າງປະເທດຊື້ເອົາວິສາຫະກິດພາຍໃນປະເທດຈີນນັ້ນບໍ່ແມ່ນເພື່ອຈຳກັດການດູດດຶງທຶນຕ່າງປະເທດ,ຫາກແມ່ນເພື່ອສືບຕໍ່ຂະຫຍາຍຊ່ອງທາງນຳໃຊ້ທຶນຕ່າງປະເທດ.
ທ່ານກົ່ວຈີ່ງອີ້ແມ່ນໃຫ້ທັດສະນະດັ່ງກ່າວໃນ"ເວທີປາໄສວິສາຫະກິດເອກະຊົນສົນທະນາກັບ 500 ວິສາຫະກິດແຖວໜ້າຂອງໂລກປີ 2006"ທີ່ຈັດຂຶ້ນຢູ່ເມືອງເວີ່ນໂຈ່ ພາກຕາເວັນອອກຂອງຈີນ.
ໃນເດືອນສິງຫາປີນີ້, 6 ກະຊວງແລະຄະນະກຳມະການທຽບເທົ່າຂອງຈີນເຊັ່ນກະຊວງການຄ້າຈີນເປັນຕົ້ນໄດ້ວາງ"ຂໍ້ກຳນົດກ່ຽວກັບຜູ້ລົງທຶນຕ່າງປະເທດຊື້ເອົາວິສາຫະກິດພາຍໃນປະເທດຈີນ",ໄດ້ເຮັດໃຫ້ພາຍໃນປະເທດແລະຕ່າງປະເທດສົນໃຈນຳຢ່າງກວ້າງຂວາງ.ທ່ານກົ່ວຈີ່ງອີ້ເວົ້າວ່າ,ເຖິງວ່າມີຫາງສຽງສົງໄສວ່າຈີນຈະປິດປະຕູຂອງການດູດດຶງທຶນຕ່າງປະເທດ,ແຕ່ວ່າຈຸດເລີ່ມຕົ້ນຂອງການວາງຂໍ້ກຳນົດດັ່ງກ່າວແມ່ນຍຶດໝັ້ນການປະຕິຮູບແລະໄຂປະຕູສູ່ພາຍນອກ,ຍຶດໝັ້ນການນຳໃຊ້ທຶນຕ່າງປະເທດຢ່າງໝັ້ນໜຽວບໍ່ປ່ຽນແປງ,ສືບຕໍ່ຂະຫຍາຍຊ່ອງທາງນຳໃຊ້ທຶນຕ່າງປະເທດ,ອະນຸຍາດແລະສົ່ງເສີມໃຫ້ຜູ້ລົງທຶນຕ່າງປະເທດຊື້ເອົາວິສາຫະກິດພາຍໃນປະເທດຈີນ.
|
|
|
