|
ຕາມຂ່າວສານຊິນຮວາ: ໃນຫຼາຍມື້ມານີ້, ປະຊາຄົມໂລກສືບຕໍ່ຕີລາຄາຢ່າງຕັ້ງໜ້າຕໍ່ກອງປະຊຸມສຸດຍອດທີ່ປັກກິ່ງຂອງເວທີປຶກສາຫາລືການຮ່ວມມືລະຫວ່າງຈີນກັບອາຟິຼກກາທີ່ໄດ້ອັດລົງແລ້ວ.
ວັນທີ 10 ພະຈິກ, ນາງອານ ເວເນມານ ຫົວໜ້າບໍລິຫານງານຂອງກອງທຶນເດັກນ້ອຍຂອງສະຫະປະຊາຊາດກ່າວວ່າ, ກອງປະຊຸມສຸດຍອດທີ່ປັກກິ່ງໄດ້ຮັບໝາກຜົນອັນຕັ້ງໜ້າທີ່ສຸດ, ຈະເສີມຂະຫຍາຍບົດບາດອັນສຳຄັນໃນການປັບປຸງເງື່ອນໄຂຊີວິດການເປັນຢູ່ແລະການພັດທະນາຂອງເດັກນ້ອຍຂອງປະເທດອາຟິຼກກາ.
ວັນທີ 10 ພະຈິກ, ທ່ານຕາໂປ ເອັມເບກີ ປະທານາທິບໍດີອາຟິຼກກາໃຕ້ໄດ້ຂຽນບົດຄວາມຍາວ ໂດຍຍ້ອງຍໍວ່າ ກອງປະຊຸມສຸດຍອດທີ່ປັກກິ່ງແມ່ນບາດກ້າວທຳອິດທີ່ຈີນອາຟິຼກກາກ້າວໄປສູ່ການພັດທະນາແລະຄວາມຈະເລີນຮຸ່ງເຮືອງພ້ອມກັນ, ຈະນຳແຜ່ນດິນໃຫຍ່ອາຟິຼກກາໃຫ້ກ້າວໄປສູ່ອະນາຄົດທີ່ເຕັມໄປດ້ວຍຄວາມຫວັງ.
ວັນທີ 8 ພະຈິກ, ທ່ານອີໄຊອາສ ອາຟເວີກີ ປະທານາທິບໍດີເອຣີຕຣີກ່າວວ່າ, ຈີນໄດ້ໃຫ້ຄຳໝັ້ນສັນຍາຈະຊ່ອຍເຫຼືອປະເທດອາຟິຼກກາອັນໄພສານໃນກອງປະຊຸມສຸດຍອດທີ່ປັກກິ່ງ, ຈະປັບປຸງແລະພັດທະນາມິດຕະພາບແລະການຮ່ວມມືອັນເປັນມູນເຊື້ອລະຫວ່າງອາຟິຼກກາກັບຈີນຕື່ມອີກ.
ສື່ມວນຊົນຫຼາຍແຫ່ງ ເຊັ່ນ ໜັງສືພິມ "ເຕີ ກາດຽນ" ຂອງນີເຊຣີເປັນຕົ້ນໄດ້ຢືນຢັນຄວາມພະຍາຍາມຂອງຈີນເພື່ອປົກປັກຮັກສາສັນຕິພາບ ຄວາມໝັ້ນຄົງແລະການພັດທະນາຂອງພາກພື້ນອາຟິຼກກາ, ແລະເຫັນວ່າ ການຮ່ວມມືດ້ານເສດຖະກິດລະຫວ່າງຈີນກັບອາຟິຼກກາຈະເຮັດໃຫ້ປະເທດອາຟິຼກກາໄດ້ຮັບຜົນປະໂຫຍດຢ່າງຫຼວງຫຼາຍ.
|
