|
ທ່ານຫູຈິນທາວພົບປະກັບທ່ານຟຣາດຄົຟຢູ່ຫໍສະພາປະຊາຊົນ
ຕາມຂ່າວ CRI: ວັນທີ 10 ພະຈິກຢູ່ທີ່ປັກກິ່ງ, ທ່ານຫູຈິນທາວ ປະທານປະເທດ ທ່ານອູປາງໂກ ປະທານຄະນະປະຈຳສະພາປະຊາຊົນແຫ່ງຊາດຈີນຕ່າງໄດ້ພົບປະກັບທ່ານຟຣາດຄົຟ ນາຍົກລັດຖະມົນຕີຣັດເຊຍທີ່ມາຢ້ຽມຢາມ. ໃນເວລາພົບປະ, ທ່ານຫູຈິນທາວກ່າວວ່າ, ຈີນຍິນດີພ້ອມກັນກັບຣັດເຊຍ ຜ່ານການເຮັດວຽກຕິດແທດຕົວຈິງແລະພະຍາຍາມຢ່າງຈິງຈັງ, ຊຸກຍູ້ໃຫ້ການຮ່ວມມືອັນຕິດແທດຕົວຈິງລະຫວ່າງຈີນກັບຣັດເຊຍຂຶ້ນສູ່ລະດັບໃໝ່.
ທ່ານຫູຈິນທາວໄດ້ຕີລາຄາສູງຕໍ່ກິດຈະກຳ "ປີມິດຕະພາບ" ທີ່ຈີນຣັດເຊຍຈັດຂຶ້ນເຊິ່ງກັນແລະກັນ. ທ່ານຍັງກ່າວວ່າ, ຈີນຍິນດີພ້ອມກັບຣັດເຊຍ, ຈັດຕັ້ງປະຕິບັດຕື່ມອີກຕໍ່ໜ້າທີ່ທຸກລາຍທີ່ສະເໜີອອກໃນ "ສົນທິສັນຍາການຮ່ວມມືດ້ວຍໄມຕີຈິດຖານບ້ານໃກ້ເຮືອນຄຽງຈີນຣັດເຊຍ" ແລະເອກະສານຮ່ວມມືຕ່າງໆທີ່ສອງຝ່າຍໄດ້ເຊັນກັນ, ທ່ານຟຣາດຄົຟກ່າວວ່າ, ຣັດເຊຍຫວັງເພີ່ມທະວີການຮ່ວມມືກັບຈີນໃນຂົງເຂດເສດຖະກິດການຄ້າ ການລົງທຶນແລະວິທະຍາສາດເຕັກນິກ, ຍົກການພົວພັນລະຫວ່າງສອງປະເທດໃຫ້ຂຶ້ນສູ່ລະດັບໃໝ່.
ທ່ານອູປາງໂກພົບປະກັບທ່ານຟຣາດຄົຟຢູ່ຫໍສະພາປະຊາຊົນ
ສອງຝ່າຍຍັງໄດ້ແລກປ່ຽນຄວາມເຫັນກ່ຽວກັບບັນຫານິວເຄຼຍຂອງແຫຼມເກົາຫຼີແລະຂອງອີຣານ.
ໃນເວລາພົບປະກັບທ່ານຟຣາດຄົຟ, ທ່ານອູປາງໂກກ່າວວ່າ, ສະພາປະຊາຊົນແຫ່ງຊາດຈີນຈະພ້ອມກັບຄະນະກຳມະການສະຫະພັນແລະສະພາດູມາຂອງຣັດເຊຍເຂົ້າຮ່ວມກິດຈະກຳ "ປີມິດຕະພາບຕໍ່ຈີນ" ທີ່ຈະຈັດຂຶ້ນຢູ່ຣັດເຊຍໃນປີໜ້າ, ເສີມຂະຫຍາຍທ່າແຮງຂອງການໄປມາຫາສູ່ກັນລະຫວ່າງສະພາ, ຮັບໃຊ້ການພົວພັນຄູ່ຮ່ວມມືປະສານງານຍຸດທະສາດລະຫວ່າງສອງປະເທດໃຫ້ດີກວ່າເກົ່າ.
|
