|
ຕາມຂ່າວ CRI: ວັນທີ 13 ພະຈິກ, ທ່ານນາງອູຢີ ຮອງນາຍົກລັດຖະມົນຕີຈີນກ່າວວ່າ, ຫວັງໃຫ້ຈີນອາເມລິກາຕ່າງເສີມຂະຫຍາຍທ່າແຮງຂອງໃຜລາວ, ເປີດກວ້າງຂົງເຂດການຮ່ວມມືດ້ານເສດຖະກິດການຄ້າຢ່າງບໍ່ຢຸດຢັ້ງ, ຍົກລະດັບການຮ່ວມມືໃຫ້ສູງຂຶ້ນ, ໃຫ້ຕ່າງຝ່າຍຕ່າງໄດ້ຮັບຜົນປະໂຫຍດ.
ໃນເວລາພົບປະກັບທ່ານຄາລົສ ກູເຕຍເຣັສ ລັດຖະມົນຕີວ່າການກະຊວງການຄ້າອາເມລິກາທີ່ມາຢ້ຽມຢາມຢູ່ທີ່ປັກກິ່ງ, ທ່ານນາງອູຢີກ່າວວ່າ, ການພົວພັນດ້ານເສດຖະກິດການຄ້າແມ່ນພາກສ່ວນປະກອບອັນສຳຄັນຂອງການພົວພັນລະຫວ່າງຈີນກັບອາເມລິກາ. ຫວ່າງມໍ່ໆນີ້ ຈີນອາເມລິກາໄດ້ປະກາດສ້າງກົນໄກເຈລະຈາເສດຖະກິດທາງຍຸດທະສາດ, ອັນໄດ້ສ້າງພື້ນຖານອັນດີງາມໃຫ້ແກ່ການຮ່ວມມືດ້ານເສດຖະກິດການຄ້າລະຫວ່າງສອງຝ່າຍ. ທ່ານນາງອູຢີກ່າວເນັ້ນວ່າ, ສອງຝ່າຍຄວນປະຕິບັດຕໍ່ແລະແກ້ໄຂບັນຫາໃໝ່ທີ່ປະກົດອອກໃນການພົວພັນເສດຖະກິດການຄ້າໂດຍຈາກຄວາມສູງຍຸດທະສາດແລະມຸມຍາວໄກ.
ທ່ານກູເຕຍເຣັສກ່າວວ່າ, ຍິນດີພ້ອມກັນກັບຝ່າຍຈີນ ສືບຕໍ່ຊຸກຍູ້ໃຫ້ການພົວພັນເສດຖະກິດການຄ້າລະຫວ່າງຈີນອາເມລິກາຂະຫຍາຍຕົວ.
|
