|
ຕາມຂ່າວ CRI: ວັນທີ 14 ພະຈິກ ຢູ່ທີ່ປັກກິ່ງ, ທ່ານເວິນເຈຍປາວ ນາຍົກລັດຖະມົນຕີຈີນກ່າວວ່າ, ຫວັງໃຫ້ຈີນອາເມລິກາເປີດກວ້າງແລະລົງເລິກການຮ່ວມມືໃນຂົງເຂດເສດຖະກິດການຄ້າ ບົນຖືຈິດໃຈຜ່ອນສັ້ນຜ່ອນຍາວແກ່ກັນແລະຕ່າງຝ່າຍຕ່າງມີຜົນປະໂຫຍດ.
ໃນເວລາພົບປະກັບທ່ານຄາລົສ ກູເຕຍເຣັສ ລັດຖະມົນຕີວ່າການກະຊວງການຄ້າອາເມລິກາ, ທ່ານເວິນເຈຍປາວກ່າວວ່າ, ໃນຫຼາຍປີມານີ້, ຈີນອາເມລິກາໄດ້ປຶກສາຫາລືແລະເຈລະຈາກັນຫຼາຍເທື່ອໃນຂົງເຂດເສດຖະກິດການຄ້າ, ໄດ້ແກ້ໄຂບາງບັນຫາທີ່ປະກົດອອກໃນການຮ່ວມມື, ໄດ້ຮັກສາການພັດທະນາຢ່າງໝັ້ນທ່ຽງຂອງການພົວພັນດ້ານເສດຖະກິດການຄ້າລະຫວ່າງສອງຝ່າຍ. ພຶດຕິກຳສະແດງໃຫ້ເຫັນວ່າ, ການປຶກສາຫາລືແລະເຈລະຈາກັນແມ່ນວິທີອັນຖືກຕ້ອງໃນການແກ້ໄຂການວິວາດກັນດ້ານເສດຖະກິດການຄ້າ, ລັດທິປົກປ້ອງການຄ້າມີແຕ່ເຮັດໃຫ້ຜົນປະໂຫຍດຮ່ວມຂອງສອງຝ່າຍຖືກທຳລາຍເທົ່ານັ້ນ. ທ່ານກ່າວວ່າ, ຝ່າຍຈີນຍິນດີພ້ອມກັນກັບຝ່າຍອາເມລິກາ, ທຳຄວາມພະຍາຍາມເພື່ອຊຸກຍູ້ໃຫ້ການພົວພັນລະຫວ່າງສອງປະເທດຂະຫຍາຍຕົວຢ່າງປອດໃສແລະໝັ້ນທ່ຽງຍາວນານ.
|
