|
ທ່ານເວິ່ນເຈ່ຍປາວ(ກາງ)ລາຍງານສະພາບເສດຖະກິດໃນກອງປະຊຸມ
ຕາມໜັງສືພິມເຢິນມິນຢື້ປ້າວຂອງຈີນ,ວັນທີ13ພະຈິກ,ໃນເວລາລາຍງານສະພາບເສດຖະກິດຕໍ່ຜູ່ແທນທີ່ເຂົ້າຮ່ວມກອງປະຊຸມຜູ່ແທນທົ່ວປະເທດຂອງສະຫະພັນວັນນະຄະດີຈີນຄັ້ງທີ8ແລະກອງປະຊຸມຜູ່ແທນທົ່ວປະເທດຂອງສະມາຄົມນັກປະພັນຈີນຄັ້ງທີ7,ທ່ານເວິ່ນເຈ່ຍປາວນາຍົກລັດຖະມົນຕີຈີນກ່າວວ່າ,ຈີນຕ້ອງສ້າງບັນຍາກາດທາງສັງຄົມແລະເງື່ອນໄຂດ້ານວິຊາການອັນດີງາມໃຫ້ແກ່ການສຶກສາຄົ້ນຄວ້າວິຊາການແລະການປະດິດສ້າງສິລະປະວັນນະຄະດີ.
ທ່ານກ່າວວ່າ:ປະເທດໜຶ່ງຄັນຢາກບັນລຸການຫັນເປັນທັນສະໄໝ,ບໍ່ພຽງແຕ່ຕ້ອງອາໄສການພັດທະນາທາງເສດຖະກິດ,ແລະປັບປຸງຊີວິດການເປັນຢູ່ໃຫ້ດີຂຶ້ນເທົ່ານັ້ນ,ຍັງຕ້ອງອາໄສລະບອບກົດໝາຍປະຊາທິປະໄຕ,ອາລະຍະທຳດ້ານຈິດໃຈ,ຄຸນທາດຂອງປະຊາຊົນແລະກຳລັງທາງຄຸນສົມບັດ.ການພັດທະນາສິນລະປະວັນນະຄະດີແມ່ນໜ້າທີ່ສຳຄັນທີ່ສຸດ.ຜູ່ເຮັດວຽກງານດ້ານສິລະປະວັນນະຄະດີອັນໄພສານຕ້ອງປະດິດສ້າງສິ່ງປະພັນທີ່ດີເລີດ,ຕ້ອງໃຫ້ປະກົດມີນັກສິລະປະວັນນະຄະດີທີ່ມີທັງຄວາມສາມາດແລະຄຸນສົມບັດ.
|
