ຕາມ​ຂ່າວ CRI: ​ໃນ​ງານ​ຖະ​ແຫຼງຂ່າວ​ທີ່​ຈັດ​ຂຶ້ນ​ເປັນ​ປະຈຳ​ຢູ່​ທີ່​ປັກ​ກິ່ງ​ໃນ​ວັນ​ທີ 16 ພະ​ຈິກ​ນີ້, ທ່ານ​ນາງ​ຈ່ຽງອີ ​ໂຄສົກ​ກະຊວງ​ການ​ຕ່າງປະ​ເທດ​ຈີນ​ກ່າວ​ວ່າ, ຝ່າຍ​ຈີນ​ຍິນ​ດີ​ສືບ​ຕໍ່​ພ້ອມ​ກັນ​ກັບ​ຝ່າຍ​ຕ່າງໆ​ທີ່​ກ່ຽວຂ້ອງ​ ຊຸກ​ຍູ້​ການ​ແກ້​ໄຂ​ບັນຫາ​ປາ​ເລັສ​ຕິນ​ອິສ​ຣາ​ແອນ​ດ້ວຍ​ສັນ​ຕິ​ວິທີ.

ວັນ​ທີ 15 ພະຈິກ​ນີ້ ຢູ່​ທີ່​ເຊີ​ແນວ, ກອງ​ປະຊຸມສະພາ​ມົນຕີ​ສິດທິ​ມະນຸດ​ສະຫະ​ປະ​ຊາ​ຊາດ​ໄດ້​ຮັບ​ຮອງ​ເອົາ​ມະຕິ​ສະບັບ​ໜຶ່ງ, ກ່າວ​ປະນາມການ​ກະທຳ​ທີ່ລະ​ເມີດ​ສິດທິ​ມະ​ນຸດ​ຂອງ​ອິສ​ຣາ​ແອນ​ຢູ່​ທີ່​ກາຊາ, ທວງ​ໃຫ້​ຝ່າຍ​ອິສຣາ​ແອນ​ຢຸດຕິການ​ເຄື່ອນ​ໄຫວ​ການ​ທະ​ຫານ​ຢູ່​ກາ​ຊາ. ລັດ​ຖະ​ບານ​ຈີນ​ໄດ້​ປ່ອນ​ບັດ​ເຫັນ​ດີ​ຕໍ່​ມະ​ຕິ​ດັ່ງ​ກ່າວ.